پوليسيا قىزمەتكەرلەرىنىڭ اراسىندا ۇلكەن جانجال تۋىندادى دەپ حابارلايدى Qamshy.kz اقپارات اگەنتتىگى.
احمەديار حۋساينوۆ كوشەسىنىڭ بويىنان ءوتىپ بارا جاتقان كۋاگەرلەر وقيعانى تاسپاعا ءتۇسىرىپ العان. ولار Hyundai Tucson ءاۆتوموبيلىنىڭ ىشىندە بولىپ جاتقان كۇرەستى كورگەن. پوليسيا قىزمەتكەرى قارسىلاسىنىڭ پىشاعىنان ساقتانعان. وزدەرىنە جۇرتتىڭ نازارى اۋىپ تۇرعانىن بايقاعان سوڭ، كولىكتەن بىرنەشە ادام ءتۇسىپ، قاشىپ كەتكەن.
بقو پد مالىمدەۋىنشە، توبەلەس شىعارعان ەكى ادامدا پوليسيا قىزمەتكەرلەرى بولىپ شىقتى.
"2019 جىلدىڭ 8-ماۋسىم كۇنى ساعات 16:00 شاماسىندا بقو پد كەزەكشى بولىمىنە WhatsApp جەلىسى ارقىلى بەلگىسىز ازاماتتاردىڭ پوليسيا فورماسىنداعى قىزمەتكەرگە فيزيكالىق كۇش كورسەتىپ جاتقان ۆيدەو جايلى حابارلاما كەلگەن. انىقتالعانداي ەكى ادامدا پوليسيا قىزمەتكەرلەرى بولىپ شىقتى. ۆيدەونى ساراپتاۋ كەزىندە ولاردىڭ اراسىندا جەكە باستىڭ ماسەلەسىنە قاتىستى داۋ تۋىنداعانى انىقتالدى. وقيعا الدىن الا تەرگەۋگە جىبەرىلىپ، تەرگەۋ جۇمىستارى باستالدى."،- دەپ حابارلادى پوليسيا دەپارتامەنتىنىڭ باسپا ءسوز قىزمەتى.
دايىنداعان: بەك بايتاس
پىكىر قالدىرۋ