27 مامىر كۇنى عىلىم ورداسىندا «ادىرنا» ۇلتتىق-ەتنوگرافيالىق بىرلەستىگى «ازاماتتىق باستامالاردى قولداۋ ورتالىعىنىڭ» تاپسىرىسىمەن «ءداستۇرلى رۋحاني قۇندىلىقتاردى قولداۋ جونىندەگى جۇمىستاردى ۇيىمداستىرۋ» اتتى الەۋمەتتىك جوبا اياسىندا ر. ب. سۇلەيمەنوۆ اتىنداعى شىعىستانۋ ينستيتۋتى مەن فيلوسوفيا، ساياساتتانۋ جانە ءدىنتانۋ ينستيتۋتىمەن بىرلەسە وتىرىپ «رۋحاني جاڭعىرۋ: ءداستۇر مەن ءدىن ماسەلەلەرى» تاقىرىبىندا دوڭگەلەك ۇستەل وتكىزدى.  دوڭگەلەك ۇستەلدى «ادىرنا» ۇلتتىق-ەتنوگرافيالىق بىرلەستىگىنىڭ باسشىسى ارمان اۋباكىر اشىپ، كەلگەن قوناقتاردى تانىستىردى. ق ر بعم عك فيلوسوفيا، ساياساتتانۋ جانە ءدىنتانۋ ينستيتۋتى ديرەكتورىنىڭ ورىنباسارى، فيلوسوفيا عىلىمدارىنىڭ دوكتورى، پروفەسسور نۇرمۇراتوۆ سەرىك «ۇلت قورعانى – ۇلتتىق قۇندىلىقتار» تاقىرىبىندا، قازبسقا-نىڭ اسسيستەنتى، پروفەسسور مەيىرمانوۆ امانجول «ءدىني بىرەگەيلىك جانە رۋحاني قۇندىلىقتار ۇندەستىگى» تاقىرىبىندا بايانداما جاسادى.  سونداي-اق ر.ب. سۇلەيمەنوۆ اتىنداعى شىعىستانۋ ينستيتۋتى ديرەكتورىنىڭ ورىنباسارى، ەكونوميكا عىلىمدارىنىڭ دوكتورى عالىمجان دۇيسەن مەن بەردالى وسپان، ەرلان تولەۋتاي ەسىمدى ەتنوگرافتار ورتاعا شىعىپ ءسوز الدى. دوڭگەلەك ۇستەلدە ستۋدەنتتەرمەن، قوناقتارمەن پىكىر الماسۋ بولىپ، ءسوز العاندار ءوز ويلارىن ورتاعا سالدى.