قاسىم-جومارت توقايەۆ ەلىمىزدەگى اقورداداعى بريفينگ بارىسىندا جۋرناليستەردىڭ مارتەبەسىنە قاتىستى پىكىرىن ءبىلدىردى دەپ حابارلايدى Qamshy.kz اقپارات اگەنتتىگى.
"بىزدە جۋرناليستەردىڭ مارتەبەسى تۋرالى زاڭ جوق. ءبىز ەشقانداي توپقا جاتپايمىز. سول ستاتۋس تۋرالى زاڭ قابىلداۋعا ءوزىڭىز مۇرىندىق بولاسىز با؟ بۇعان كوزقاراسىڭىز قانداي؟" - دەگەن جۋرناليستەردىڭ سۇراعىنا جاۋاپ بەردى.
"بۇل – وتە وزەكتى ماسەلە. ماسەلەنى جاقسىلاپ تۇرىپ قاراۋىمىز كەرەك. ەگەر كەرەك بولاتىن بولسا، مەن ۇكىمەتكە ءتيىستى تاپسىرما بەرەمىن. كەلەشەكتە جۋرناليستەردىڭ مارتەبەسى تۋرالى، ەگەر قاجەت بولاتىن بولسا، ءتيىستى زاڭدى قابىلدايمىز. يا بولماسا، مەن ءوزىم پرەزيدەنت رەتىندە شەشىمىمدى شىعارامىن"، - دەدى قاسىم-جومارت توقايەۆ.
پىكىر قالدىرۋ