تەحاس شتاتىنداعى داللاستا (اقش) شاعىن ەكى موتورلى ۇشاق اپاتقا ۇشىراپ، 10 ادام مەرت بولدى دەپ حابارلايدى Qamshy.kz اقپارات اگەنتتىگى كتك ارناسىنىڭ سايتىنا سىلتەمە بەرە وتىرىپ.
وقيعا سالدارىنان ون ادام قايتىس بولعان. قايعىلى جاعداي داللاس وكرۋگى ەدديسون قالاسىندا ورىن العان. ۇشاق جەكسەنبى كۇنى تاڭەرتەڭ اۋەجايدا الاڭىندا سوعىلىپ، كەيىن ۇشاق ورتەنىپ، تۇگى قالماي جانىپ كەتتى.
قالانىڭ قوعاممەن قاتىناستار جونىندەگى باسشىسى مەري روزەنبليت ۇشاقتاعى ادامدارىنىڭ ەشقايسىسى امان قالماعانىن ايتتى. اپاتتىڭ سەبەپ-سالدارىن تەكسەرۋ ءۇشىن اقش-تىڭ فەدەرالدىق اۆياسيالىق باسقارماسىنىڭ وكىلدەرى وقيعا ورنىنا باردى. سونداي-اق كولىكتەگى ۇلتتىق قاۋىپسىزدىك جونىندەگى كەڭەس تە ءوز ماماندارىن سول جەرگە جىبەرۋگە شەشىم قابىلدادى.
