الماتى قالاسىنىڭ جاڭا اكىمى باقىتجان ساعىنتايەۆ قالا تۇرعىندارىنا ۇندەۋ جاسادى دەپ حابارلايدى Qamshy.kz اقپارات اگەنتتىگى.
بۇل ول ءوزىنىڭ Instagram پاراقشاسىندا جاريالادى.
“قۇرمەتتى الماتىلىقتار! الماتى قالاسىنىڭ اكىمى مىندەتىنە كىرىسە وتىرىپ، مەن سىزدەردىڭ، قالا تۇرعىندارىنىڭ الدىنداعى زور جاۋاپكەرشىلىگىمدى تولىق سەزىنەمىن. الماتى ءار-قايسىمىزدان ەرەكشە ورىن العان قالا! الماتىعا دەگەن ءار قازاقستاندىقتىڭ ىقىلاسى ەرەكشە. بۇل قالا مەنىڭ جاستىعىمنىڭ، كاسىبي كەمەلدەنۋىمنىڭ كۋاسى. مەنىڭ باستى ماقساتىم - الماتىنىڭ ءار تۇرعىنى بەرەكەلى ءومىر سۇرەتىن، قاۋىپسىزدىگى قولايلى، زامانعا ساي مەگاپوليسكە اينالدىرۋ. ءبىز وعان تەك بىرگە تىزە قوسىپ، ەڭبەك ەتۋ ارقىلى جەتە الامىز! سوندىقتان، سىزدەردىڭ تالاپ-تىلەكتەرىڭىزدى ءبىلىپ، ۋاقىتىلى جاۋاپ بەرۋ، مەن ءۇشىن وتە ماڭىزدى! قالانىڭ پروبلەمالارى مەن دامۋ ستراتەگياسىن سىزدەرمەن بىرگە اشىق تالقىلاعىم كەلەدى. سىزدەرمەن تىكەلەي بايلانىس ورناتۋ ءۇشىن Facebook، Twitter، Instagram جەلىلەرىندە تىركەلدىم. بارلىعىمىزدىڭ تاعدىرىمىز مەن بايلانىستى ماڭىزدى شەشىمدەردى ازىرلەپ، قابىلداۋ كەزىندە سىزدەردىڭ قولداۋلارىڭىز مەن ءۇشىن ماڭىزدى. اقىلداسا وتىرىپ، بىرگە جۇمىس ىستەيىك!” - دەدى قالا اكىمى.
پىكىر قالدىرۋ