بۇۇ-نىڭ بۇكىلالەمدىك مەتەورولوگيالىق ءبولىمىنىڭ ايتۋىنشا، 2015 جىلدان 2019 جىلعا دەيىنگى ارالىق ادامزات تاريحىنداعى ىستىق تەمپەراتۋرادان رەكورد ورناتقان.
2019 جىلعى اپتاپ ىستىققا گرەنلانديا مەن ەۋروپانىڭ سولتۇستىك، ورتالىق بولىگىندەگى ەكى وبلىستىڭ اۋا قىسىمىنىڭ ارتۋى سەبەپ بولعان. ولار وڭتۇستىكتەن كەلەتىن سالقىن اۋانى توقتاتىپ، افريكالىق جانە يسپانيالىق دالا جازىقتارىنان ىستىق اۋا تۋعىزاتىن سيكلون تۇرۋىنا الىپ كەلەدى. ناتيجەسىندە الەمدە تەمپەراتۋرالىق رەكوردتار ورناي باستايدى.
بىرنەشە جىلدار بۇرىن 40 گرادۋس سەلسيي تەمپەراتۋراسىنىڭ تىركەلۋى - ايتۋلى قۇبىلىس ەدى. ال جاھاندىق جىلىلىق ورناي باستاعان كەزدە بۇل كورسەتكىش كۇندەلىكتى، قالىپتى ءارى سوزىلمالى بولماق.
ەۋروپالىق عالىمداردىڭ مالىمەتىنە سۇيەنسەك، 2019 جىلدىڭ جاز ايلارىندا اپتاپ ىستىقتان مىڭداعان ادام قازا تابۋى ىقتيمال.
فرانسيانىڭ وڭتۇستىك-شىعىسىنداعى ءتورت دەپارتامەنتتە ءقاۋىپتىڭ قىزىل دەڭگەيى جاريالانعان. يسپانيانىڭ دا 19 پروۆينسياسىندا 40 گرادۋستان جوعارى اۋا-رايى جوسپارلانۋدا. ءقاۋىپتىڭ قىزىل دەڭگەيى ەكى وبلىستا جاريالانعان.
ىستىق اپتاپ ەۋروپانىڭ يسپانيا، يتاليا، گەرمانيا، بەلگيا جانە شۆەيساريا سىندى ەلدەرىندە كۇتىلۋدە.
پىكىر قالدىرۋ