ۇلتتىق بانكتىڭ ءتوراعاسى ەربولات دوسايەۆ قازاقستاندىقتار ءتۇرلى مەرەكەلەر مەن تويلار ءۇشىن الاتىن نەسيە تۋرالى ايتىپ بەردى دەپ جازادى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.
سەنات وتىرىسىندا سپيكەر داريعا نازاربايەۆا ۇلتتىق بانك ءتورعاسىنان ۇيلەنۋ تويلارعا الىناتىن نەسيەلەرگە قاتىستى سۇراق قويعان.
"ءبىز قۇرىلىمدى جۇيە بويىنشا قارادى، تۇتىنۋشىلىق نەسيەلەر بەرەتىن بارلىق بانكتەردە شامامەن 9،5% توي ءۇشىن الىنعان نەسيەلەر بار. سوندىقتان ءتيىستى تابىستارى بولعان جاعدايدا ەشكىمدى توي ءۇشىن كرەديت الۋ قۇقىقعىنان شەكتەي المايمىز. تويعا نەسيە الۋ - ءار وتباسىنىڭ ءوزى شەشەتىن ماسەلە. وكىنىشكە قاراي كوپ جاعدايدا نەسيەنى اتا-انالارىنا راسىمدەپ، قارىزدى سول اقشانى جۇمساعاندار تولەپ جاتادى"، - دەپ جاۋاپ بەردى ەربولات دوسايەۆ.
ونىڭ ايتۋىنشا، ەلدە حالىقتىڭ قارجىلىق ساۋاتتىلىعىن ارتتىرۋ مۇمكىندىگىن جىبەرىپ العان.
"قارجىگەرلەر قاۋىمداستىعىمەن، بانكتەرمەن جانە جەرگىلىكتى اتقارۋشى ورگاندارمەن كەلىستىك. ءبىز بۇل جۇمىستى ەكى ەسە بەلسەندى تۇردە جۇرگىزەمىز جانە تۇسىندىرەمىز. ەگەر نەسيە الىنعان بولسا، ول مىندەتتى تۇردە تولەنۋى ءتيىس. توي ءۇشىن الىناتىن نەسيەلەر ادامداردىڭ جەكە ماقساتتارى ءۇشىن، ءبىراق بۇعان تيىم سالۋ مۇمكىن ەمەس. ءبىراق وسى ماقساتتا الىنىپ جاتقان نەسيەلەردىڭ سانىن جانە الاتىن سوماسىن ازايتۋدى قاداعالايمىز"، - دەدى ول.
پىكىر قالدىرۋ