العاشقى جارتىجىلدىقتىڭ قورىتىندىسىنا سەنسەك، ەلدە 310،2 مىڭ جەڭىل اۆتوكولىك تىركەلگەن. بۇل وتكەن جىلعى كورسەتكىشتەن 6،8 پايىزعا از. اتالعان دەرەكتەردى kazautoprom.kz سايتى كەلتىرەدى دەپ حابارلايدى Qamshy.kz اقپارات اگەنتتىگى.

كولىكتەردىڭ باسىم كوپشىلىگىنە، ياعني 63،9 پايىزىنا زاۋىتتان شىققانىنا ون جىلدان اسقان. 7-10 جىل ارالىعىنداعىلار 7،2%، 3-7 جىل ارالىعىنداعىلار 16%-دى قۇرايدى. وتاندىق اۆتوپاركتەگى 3 «جاسقا» دەيىنگى جاڭا كولىكتەردىڭ ۇلەسى 10،2%.

ساتىپ الىنعان كولىكتەردىڭ ورتاشا باعاسى 8،8 ملن تەڭگە قۇراپ، ءبىر جىلدا اۆتوكولىك قۇنى 6 پايىزعا قىمباتتاعانىن كورسەتىپ وتىر. وتاندىق كولىكتەردىڭ ورتاشا باعاسى 6،6 ملن تەڭگە، شەتەلدىكدىڭ باعاسى 10،9 ملن تەڭگە قۇراعان.

قازاقستاندىقتاردىڭ 29،3 پايىزى باعاسى 5 ملن تەڭگەگە دەيىنگى «تەمىر تۇلپارلاردى» ساتىپ العان. 5-7 ملن تەڭگە ارالىعىنداعى كولىكتەردى تىزگىندەگەندەردىڭ ۇلەسى 19 پايىز. ساتىپ الۋشىلاردىڭ 13،9 پايىزى 7-10 ملن تەڭگەلىك كولىكتەردى قۇپ كورگەن. قۇنى 10-15 ملن تەڭگە بولاتىن بيزنەس-كلاسستاعى كولىكتەر 26،9 پايىز، 15 ملن تەڭگەدەن جوعارى پرەميۋم-كلاسستاعى كولىكتەر ۇلەسى 10،9 پايىز شاماسىندا.

قولجەتىمدى اۆتوموبيلدەردىڭ وندىعىن وتاندىق اۆتوپاركتىڭ ونىمدەرى قۇرايدى. ەڭ ارزان جاڭا كولىكتەر تىزىمىندە وسكەمەندە وندىرىلەتىن Lada Granta كوش باستاپ تۇر. باعاسى – 3،1 ملن تەڭگە. ودان كەيىن Chevrolet Niva (3،4 ملن تگ)، Lada 4×4 (3،6 ملن تگ)، Ravon Nexia (3،8 ملن تگ)، Renault Logan (4،1 ملن تگ)، Lifan X50 (4،11 ملن تگ)، Lifan Solano II (4،2 ملن تگ)، Lada Largus (4،3 ملن تگ)، Ravon R4 (4،8 ملن تگ) جانە Lifan X60 (5،2 ملن تگ) جايعاسقان.

ەڭ قىمبات ۇلگىلەر رەيتينگىندە Porsche 911 Turbo (61،8 ملن تگ)، BMW i8 (60،9 ملن تگ)، Mercedes-Benz G-klass (52 ملن تگ)، Porsche Panamera (51،8 ملن تگ) جانە BMW 8 سەريا (50 ملن تگ) بار.