قىرعىزستاننىڭ الەۋمەتتىك (زەينەتاقى) قورى ازاماتتارعا يپوتەكانىڭ العاشقى جارناسىن وزدەرىنىڭ زەينەتاقى جيناقتارىنان تولەۋگە رۇقسات ەتۋدى ۇسىنىپ وتىر. جوبا قوعامدىق تالقىعا شىعارىلدى.
ءىnformburo.kzء-تىڭ جازۋىنشا، يپوتەكالىق كرەديتتىڭ العاشقى جارناسىنا قاجەتتى بىررەتتىك تولەم سوماسىن ازاماتتاردىڭ وزدەرى انىقتايدى. الايدا ول سالىمشىنىڭ زەينەتاقى جيناعىنىڭ جالپى مولشەرىنەن اسپاۋى ءتيىس. ءارى مەملەكەتتىك يپوتەكالىق كومپانيانىڭ 50 مىڭ سوم (275 مىڭ تەڭگە) كولەمىندەگى العاشقى جارنا مولشەرى شاماسىندا بولۋى كەرەك.
قاراجاتتى مەملەكەتتىك يپوتەكالىق باعدارلاماعا قاتىسقان جاعدايدا عانا قولدانۋعا رۇقسات. ءارى ءوتىنىش بەرۋىشىنىڭ باسپاناسى بولماۋى قاجەت.
سونداي-اق جوبا اياسىندا اۋىر ناۋقاسقا شالدىققان قىرعىزستاندىقتارعا قارجىنى ەمدىك ماقساتتا جۇمساۋىنا جول اشىلماق. ول ءۇشىن سىرقات ءتۇرى ۇكىمەت بەكىتكەن تىزىمدە بولۋى ءتيىس.
باستاما ارقىلى ۇكىمەت ازاماتتاردى زەينەتاقى شوتتارىنا قارجى قۇيۋعا ىنتالاندىرعىسى كەلەدى.
