جۋرناليست، قازاقستان رەسپۋبليكاسى گۋمانيتارلىق عىلىم اكادەمياسىنىڭ، قازاقستان رەسپۋبليكاسى جۋرناليستيكا اكادەمياسىنىڭ اكادەميگى، ب ا ق سالاسىنداعى قازاقستان رەسپۋبليكاسى پرەزيدەنتى سىيلىعىنىڭ جانە قازاقستان جۋرناليستەر وداعىنىڭ ب.بۇلقىشيەۆ اتىنداعى سىيلىعىنىڭ لاۋرەاتى نۇرتورە ءجۇسىپ 1961 جىلى 29 ساۋىردە قىزىلوردا وبلىسىنىڭ شيەلى اۋدانىندا دۇنيەگە كەلگەن.

 

ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. پاۆلودار وبلىستىق "قىزىل تۋ" گازەتىنىڭ ءتىلشىسى، كولىك جانە كوممۋنيكاسيالار ءبولىمىنىڭ مەڭگەرۋشىسى، باس رەداكتورىنىڭ ورىنباسارى قىزمەتىن اتقارعان. 1990-1996 جىلدارى – "ەگەمەن قازاقستان" گازەتى ەكونوميكا ءبولىمىنىڭ مەڭگەرۋشىسى، باس رەداكتورىنىڭ ورىنباسارى. 1996-2002 جىلدارى – "جاس الاش" گازەتىنىڭ باس رەداكتورى. 2002-2005 جىلدارى – "اق جول قازاقستان" گازەتىنىڭ باس رەداكتورى. 2005-2006 جىلدارى – "ەگەمەن قازاقستان" گازەتىنىڭ باس ديرەكتورى. 2006-2008 جىلدارى – "استانا حابارى" گازەتىنىڭ باس رەداكتورى. 2008 جىلدىڭ اقپانىنان وسى تاعايىنداۋعا دەيىن ساياسي-قوعامدىق "ايقىن" گازەتىنىڭ باس رەداكتورى.

 

ونىڭ "ءبىز كىمنەن كەمبىز"، "قازاقتىڭ قىزى"، "ەلەس پەن بەلەس" اتتى پۋبليسيستيكالىق جيناقتارى جارىق كورگەن. "قۇرمەت" وردەنىمەن، مەدالدارمەن ماراپاتتالعان.

 

اسقار شاكىروۆ 1956 جىلعى 2 اقپاندا قاراعاندى قالاسىندا تۋعان. م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ازيا جانە افريكا ينستيتۋتىن، كسرو ءىىم اكادەمياسىنىڭ كۇندىزگى اديۋنكتۋراسىن ءبىتىردى.

 

زاڭ عىلىمدارىنىڭ كانديداتى. اعىلشىن جانە جۇڭگو تىلدەرىن مەڭگەرگەن. ءبىرىنشى ساناتتاعى توتەنشە جانە وكىلەتتى ەلشى ديپلوماتيالىق رانگىسى بار. 

 

1978 جىلدان 1992 جىلعا دەيىن كسرو ىشكى ىستەر مينيسترلىگىنىڭ جۇيەسىندە جۇمىس ىستەدى. 1992 جىلدان – قازاقستان رەسپۋبليكاسى سىرتقى ىستەر مينيسترلىگىنىڭ شارتتار-قۇقىقتىق باسقارماسىنىڭ ءبولىم مەڭگەرۋشىسى، باستىقتىڭ ورىنباسارى، باستىعى، ق ر سىرتقى ىستەر مينيسترلىگى القاسىنىڭ مۇشەسى. 1995 جىلدان 1996 جىلعا دەيىن – قازاقستان رەسپۋبليكاسىنىڭ كورەيا رەسپۋبليكاسىنداعى ىستەرىندە ۋاقىتشا سەنىمدى وكىل. 1996 جىلدان 1998 جىلعا دەيىن – قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالارى بويىنشا ەلشى. 1996 جىلدان 1998 جىلعا دەيىن – قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى. 1998 جىلدان 2004 جىلعا دەيىن – قازاقستان رەسپۋبليكاسىنىڭ ءۇندىستانداعى توتەنشە جانە وكىلەتتى ەلشىسى، 2004 جىلعى تامىز ايىنان – قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى. 2006 جىلعى اقپاننان 2007 جىلعى ماۋسىمعا دەيىن – قازاقستان رەسپۋبليكاسى قارجى مينيسترلىگىنىڭ كەدەن كوميتەتىنىڭ ءتوراعاسى. 2007 جىلعى قىركۇيەكتەن قازاقستان رەسپۋبليكاسىنداعى ادام قۇقىقتارى جونىندەگى ۋاكىل قىزمەتتەرىن اتقارعان.

كسرو-نىڭ ءىىى دارەجەلى «زا بەزۋپرەچنۋيۋ سلۋجبۋ» مەدالىمەن، قازاقستان رەسپۋبليكاسىنىڭ «استانا»، «ەرەن ەڭبەگى ءۇشىن»، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان رەسپۋبليكاسىنىڭ پارلامەنتىنە 10 جىل»، «قازاقستان كونستيتۋسياسىنا 10 جىل»، «حالىقارالىق اسكەري دوستاستىقتى دامىتقانى ءۇشىن» مەدالدارىمەن، رەسەي فەدەراسياسىنىڭ «زا ۋكرەپلەنيە تاموجەننوگو سودرۋجەستۆا» مەدالىمەن، قىرعىزستان رەسپۋبليكاسىنىڭ «زا ۋكرەپلەنيە تاموجەننوگو سوترۋدنيچەستۆا» مەدالىمەن ماراپاتتالعان.