شەتەلدىك قوناقتار وسكەمەندەگى "حاليفا التاي" مەشىتىندە، سونداي-اق ءۇلبى مەن ەرتىستىڭ قيىلىسار تۇسى ورنالاسقان "سترەلكا" ىقشام اۋدانىندا بولدى. بۇدان بولەك ەتنوگرافيالىق ساياباقتى تاماشالاپ قايتتى.
جوسپارعا سايكەس، ءتۇسىرىلىم توبى شىعىس قازاقستانداعى ءبىرقاتار اۋداندارعا بارىپ، ۆيدەو تۇسىرەدى. ماسەلەن، ولار ريددەردە باتىس التاي قورىعى مەن لينەينىي اسۋىنا ات باسىن تىرەپ، كوركىمەن كوز تارتاتىن تابيعاتتى بەينەروليككە تۇسىرەدى. سونىمەن قاتار كۇرشىم اۋدانىندا ورنالاسقان ايگىلى مارقاكول مەن مارقاكول مەملەكەتتىك تابيعي قورىعىن كوزبەن كورىپ قايتپاق. بۇدان بولەك قيىن كەرىش شاتقالى مەن كاتونقاراعاي اۋدانىنداعى مۇزتاۋ تاۋى مەن كاتونقاراعاي مەملەكەتتىك ۇلتتىق تابيعي پاركىنە بارىپ، بەينەروليكتەر تۇسىرەدى.
پىكىر قالدىرۋ