الماتىلىق ءۇش الپينيست مۇرات وتەبايەۆ، اندرەي كورنەيەۆ جانە الەكساندر چەچۋلين «جەڭىس» شىڭىندا قالىپ قويدى دەپ جازادى Qamshy.kz اقپارات اگەنتتىگى.
بۇل تۋرالى جوعالعان الپينيستەردىڭ ءبىرىنىڭ قىزى ايگۇل ماتاي: "ولار 6600 مەتر بيىكتىكتە قالىپ قويدى، تومەن تۇسۋگە ەشقانداي مۇمكىندىكتەرى جوق"،- دەپ جازدى ءوزىنىڭ Instagram پاراقشاسىندا.
"اۋا- رايىنىڭ قولايسىزدىعى مەن قاجەتتى قۇرال-جابدىقتاردىڭ جەتىسپەۋىنەن الپينيستەر توبى بازالىق لاگەرگە ۋاقىتىندا تۇسە المادى. امان قالعان مۇرات وتەپبايەۆ پەن اندرەي كورنەيەۆ ەشكىممەن بايلانىسا المايدى"، - دەپ جازدى ايگۇل.
رەسمي مالىمەتتەر بويىنشا، جوعالعان الپەنيستەردىڭ ءبىرى الەكساندر چەچۋلين قايتىس بولعان. قالعان ەكەۋىمەن بايلانىس جوق.
الپەنيستەردىڭ جوعالۋىنا قاتىستى ءقازىر جەدەل ىزدەستىرۋ جۇمىستارى باستالعان. بۇل تۋرالى الماتى قالاسىنىڭ اكىمى باقىتجان ساعىنتايەۆ Instagram پاراقشاسىندا جازدى.
تاڭ اتا دابىلدى حابار جەتتى: ىلە الاتاۋىنىڭ قىرعىز جاعىندا قازاقستاندىق ءبىر توپ الپينيستەر ءىز-تۇزسىز جوعالىپ كەتكەن. جىگىتتەرىمىز قىرعىزستان اۋماعىندا بولعاندىقتان، ءسىم مەن ءىىم جۇمىستى ۇيلەستىرۋدەمىز. ءىىم ىزدەۋ-قۇتقارۋ جۇمىستارى باستالدى. ءحانتاڭىرى تاۋىنان ىزدەستىرۋ ورنىنا قۇرامىندا تاۋدا جاياۋ ءجۇرىپ ىزدەيتىن قۇتقاراتىن توپ بار تىكۇشاق جىبەرىلدى. قيىندىعى سول، تىكۇشاق بيىك شىڭدار ۇستىمەن ۇشا المايدى. شىڭنىڭ بيىكتىگى 4500 مەتر. ودان ءارى قاراي ىزدەستىرۋ توبى مەن ەرىكتىلەر جۇمىستارىن باستايدى. قىرعىز ارىپتەستەرىمىز قولداۋ كورسەتەدى دەپ سەنەمىز"، - دەپ جازدى باقىتجان ساعىنتايەۆ.
پىكىر قالدىرۋ