وسىعان وراي Qamshy.kz اقپارات اگەنتتىگى ءدىن­مۇ­حامەد قونايەۆتىڭ كوزى تىرىسىندە ايتىپ، جازىپ كەت­كەن قاناتتى سوزدەرىن ۇسى­نادى.

– حان كەلەدى، كەتەدى. حا­لىق قالادى، حالىق قالسا – تاق قالادى.

– ابىرويدان اق وتاۋ تىكتىم دەگەن كىسىنىڭ پەندەلىگى از بولمايدى.

– ارينە، ءىستىڭ ورايى كەلە بەرمەيدى، ايتپەسە الدىڭا كەلگەن ادام ءوتىنىشىن اياق استى ەتپەگەنگە نە جەتسىن؟!.

– جالپى ادام جانىنا ىزگىلىك ءنارىن سەپكەن ۇستازدان ۇلكەن كىم بار!

– دۇنيە تۇسكە دەيىن كيىز، تۇستەن كەيىن ءمۇيىز بولىپ كەتۋى اپ-ساتتە.

– ورىندى سىن ويلانتپاي قويمايدى.

– پانام دا ەل، دانام دا ەل. سوعان ارقا سۇيەدىم، سودان ۇيرەندىم.

– جالادا شىندىق بولمايدى.

– ادام ايناسى – ادام.

– تاۋەلسىزدىكتىڭ جۇگى اۋىر.

– ادامعا جازانىڭ ەڭ ۇلكەنى – جۇمىسسىز قال­دى­رۋ.

– اقيقاتتان اتتاپ كەتۋ – ارعا سىن.

– ءومىردىڭ ەكى تىرەگى: ۇيرەنۋدەن جالىقپاۋ، ءۇي­رەتۋدەن ايانباۋ.

– ساتىعا اياق سالماي جاتىپ، باسپال­داقتان اتتاما.

– قانمەن سىڭگەندى قا­سيەت­تەمەسەڭ، قا­ءدىرىڭ بول­مايدى.

– بۇگىنگى كۇن – كەشەگى كۇننىڭ شاكىرتى.

– ادامدىق قالىپتى بيىك ۇستاۋ – كىمگە دە بولسا ۇلكەن سىن.

– سەنىم – قۇدىرەتتى كۇش: تاۋدى دا قوزعايدى.