ق ر ىشكى ىستەر مينيسترلىگى جۇرگىزۋشىلەر وداعى، كولىك يەلەرى مەن قوعامدىق پىكىردى سارالاي كەلە تۇنگى ۋاقىتتا، جول ناشار كورىنەتىن شاقتاردا جول قوزعالىسىن رەتتەۋ ماقساتىمەن پوليسيا قىزمەتكەرلەرىنە الاتاياقتارىن قايتارۋ تۋرالى ۇيعارىمعا كەلدى، دەپ حابارلايدى Qamshy.kz اقپارات اگەنتتىگى.

سونداي-اق جەزل كەلەسىدەي جاعدايلاردا قولدانىلادى:

- جول-كولىك وقيعالارى، كولىك كەپتەلىستەرى، جوندەۋ جۇمىستارى سىندى كولىك باعىتىن وزگەرتۋگە تۋرا كەلەتىن جاعدايدا؛

- باعدارشام ىستەن شىققاندا، تابيعي جانە تەحنوگەندىك سيپاتتاعى توتەنشە جاعداي كەزىندە؛
⠀ 
"قوعامدىق پىكىرگە قۇلاق اسار بولساق، الاتاياق قولدانۋ جول قوزعالىسىن رەتتەۋشى بەلگىلەرىن كورۋ مۇمكىندىگىن جوعارىلاتىپ، پوليسەيلەردىڭ قاۋىپسىزدىگىنە پايدالى. جول كولىك ەرەجەلەرى بۇزىلعان جاعدايدا كولىك قۇرالدارىن قولدانىستاعى ەرەجەگە ساي قولمەن نەمەسە دىبىستىق، داۋىس كۇشەيتكىش قۇرالداردىڭ كومەگىمەن توقتاتۋ ساقتالىنادى" دەلىنگەن ءىىم مالىمدەمەسىندە.
⠀ 
الاتاياقتى قايتارۋ ۇردىسىندە زاڭنامالىق وزگەرىستەر جاسالىنبايدى، بيۋدجەت قاراجاتى جۇمسالمايدى دەپ سەندىرۋدە.