جالپى ادامنىڭ بيزنەستەگى دامۋ ەۆوليۋسياسى بىلاي بولۋ كەرەك دەپ ويلايمىن. 15-25 جاس ارالىعىندا ادام بولۋ، 25-30 جاستا ءبىر سالانىڭ مامانى بولۋ، 30-دان ارى قاراي بيزنەس جاساۋ. بىزدە كوپ ادامدار، سونىڭ ىشىندە ءوزىم دە بيزنەستى ادام جانە مامان بولماي تۇرىپ، باستايدى ەكەنبىز.
⠀
ءقازىر 25-30 جاستاعى بيزنەس جاسايمىن دەپ جۇرگەن ادامنان بويىڭدا قانداي داعدى (skills، ناۆىكي) بار دەسەڭ، ناقتى جاۋاپ بەرە المايدى. ويتكەنى ول ءبىر سالانىڭ مامانى بولىپ قالىپتاستاي تۇرىپ، بيزنەستيپتەس بىردەڭەنى باستاعان. رەالنىي بيزنەسكە اقشا سالۋ كەرەك. ال مامان ءبىر نارسە جاساپ، اقشا تاۋىپ جۇرسە، ارتىق اقشاسىن بيزنەسكە سالادى. نە بولماسا، بيزنەسى اياققا تۇرعانشا، 1-2 داعدىسىمەن پاراللەلنو اقشا تاۋىپ، بيزنەسىن جالعاستىرا بەرەدى.
⠀
و باستاعى اڭگىمەگە ورالساق، 25 جاسقا دەيىن ادامدارمەن دۇرىس قارىم-قاتىناس جاساۋ، سويلەسۋ، جازۋ، ويدى جۇيەلەۋ، كەشىرىم سۇراۋ، راقمەت ايتۋ، كىشىرەيە ءبىلۋ، ۇلكەندى سىيلاۋ، كىشىگە ىزەت كورسەتۋ ت.ب. ادامي قاسيەتتەردى دامىتۋ كەرەك. ودان كەيىن 1-2 سالاعا ماماندانىپ، كەمى 3 اقشا اكەلەتىن داعدىسى بولۋى كەرەك. كەز كەلگەن ۋاقىتتا جۇمىسسىز نە اقشاسىز، بيزنەسسىز قالعاندا، كۇن كورىپ كەتەتىن قولىڭدا ونەرىڭ، بويىڭدا قاسيەتىڭ، باسىڭدا ءبىلىمىڭ بولعانى دۇرىس. وسى ەكەۋىنەن كەيىن بيزنەستى باستاۋ جەڭىل ءارى قىزىقتى، ەڭ باستىسى حالىققا پايدالى بولادى.
⠀
بيزنەس – ول قۇندىلىقتار جيىنتىعى. 1000 تەڭگەلىك قۇنى بار قىزمەت نەمەسە ونىمگە، 5-10 ەسە كوپ قۇندىلىق بەرە الساڭىز، ءسىز كەرەمەت كاسىپكەر بولىپ قالىپتاساسىز. سوندا ءسىز اقشانىڭ ىزىنەن ەمەس، اقشا ءسىزدىڭ ىزىڭىزدەن جۇگىرەدى. ءسىز كليەنتكە ەمەس، كليەنت سىزگە كوبىرەك حابارلاسادى. ءوز باسىم ءبىرىنشى ادامي قاسيەتتەن بۇرىن مامان بولىپ، كەيىن كاسىپكە كەلدىم. ەندى ادام بولا باستاپ، مامان رەتىندە دە ءوزىمدى دامىتىپ جاتىرمىن. بيزنەستى ءالى باستامادىق. باستاعان كەزدە ايتا جاتارمىن... ازىرگە تەك مامان رەتىندە ءوز قىزمەتىمدى ۇسىنۋشىمىن...

نۇرلان جاناي

فەيسبۋك پاراقشاسىنان