بريفينگتە باس پروكۋروردىڭ ورىنباسارى مارات احمەتجانوۆ باس پروكۋراتۋرا ازىرلەپ جاتقان سايكەس زاڭ جوباسىن تانىستىردى.
"قازىرگى تاڭدا قىلمىستىق كودەكس پەن قىلمىستىق-پروسەسسۋالدىق كودەكستى ودان ءارى جەتىلدىرۋ بويىنشا زاڭ جوباسى ازىرلەندى. وعان قاساقانا اۋىر جانە اسا اۋىر قىلمىستاردىڭ جەكە تۇرلەرى ءۇشىن جاۋاپكەرشىلىكتى كۇشەيتۋ بويىنشا وزگەرىستەر ەنگىزىلدى. ماسەلەن، بىرىنشىدەن، جىنىستىق جۋىسپاۋشىلىققا قارسى قىلمىس جاساعانى ءۇشىن، زورلىق-زومبىلىق پەن سەكسۋالدى سيپاتتاعى ارەكەتتەر جاساعانى ءۇشىن جاۋاپكەرشىلىك كۇشەيتىلەدى. ەندى بۇل قىلمىستار ايىپتى اۋىرلاتاتىن جاعدايلار بولماسا دا، اسا اۋىر قىلمىستار ساناتىنا جاتاتىن بولادى"، – دەدى مارات احمەتجانوۆ.
ونىڭ ايتۋىنشا، بالالارعا قاتىستى جاسالعان سەكسۋالدى سيپاتتاعى بارلىق زورلىق-زومبىلىق ارەكەتتەر ءۇشىن جازا قاتاڭدايدى.
"بالالارعا سەكساۋالدى زورلىق-زومبىلىق جاساعانى ءۇشىن ەندى ءومىر بويىنا باس بوستاندىعىنان ايىرۋ نەمەسە كەم دەگەندە 20 جىلعا تۇرمەگە قاماۋ جازاسى قاراستىرىلادى"، – دەدى مارات احمەتجانوۆ وكق بريفينگى بارىسىندا.
بۇعان قوسا، ماماننىڭ مالىمەتىنشە، ەندى بۇنداي قىلمىستى بىلە تۇرا جاسىرعان ازاماتتار دا قاتاڭ جازالاناتىن بولادى.
قىمبات ەلتاي قىزى
فوتو اشىق دەرەككوزدەردەن الىنعان
پىكىر قالدىرۋ