قازاقستان پرەزيدەنتى قاسىم-جومارت توقايەۆتىڭ قحر-عا مەملەكەتتىك ساپارى باستالدى دەپ حابارلايدى Qamshy.kz اقپارات اگەنتتىگى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي فەيسبۋكتەگى جەكە پاراقشاسىندا جازدى.
"قازاقستان پرەزيدەنتى قاسىم-جومارت توقايەۆتىڭ قحر-عا مەملەكەتتىك ساپارى باستالدى
قازاقستان پرەزيدەنتى جۇڭگو حالىق رەسپۋبليكاسىنا مەملەكەتتىك ساپارمەن كەلدى. قاسىم-جومارت توقايەۆ پەكيندە قازاقستان-قىتاي ىسكەرلىك كەڭەسىنىڭ 6-وتىرىسىنىڭ اشىلۋىنا قاتىسادى جانە جۇڭگو قوعامدىق عىلىمدار اكادەمياسىندا ءدارىس وقۋى جوسپارلانعان. مەملەكەت باسشىسى قحر ءتوراعاسى سي سزينپينمەن، قحر مەملەكەتتىك كەڭەسىنىڭ پرەمەرى لي كەسيانمەن جانە قىتايدىڭ ءبىرقاتار ساياسي جانە ىسكەرلىك توپتارىمەن كەلىسسوز وتكىزەدى.
قازاقستان پرەزيدەنتى قىتايعا جاساعان ەكى كۇندىك ساپارىنىڭ اياسىندا حانچجوۋ قالاسىنا دا بارىپ، يننوۆاسيالىق ونىمدەردى الەمدىك نارىققا شىعارۋ بويىنشا كوشباسشى «Hikvision» كومپانياسىنىڭ جۇمىسىمەن تانىسادى. سونىمەن قاتار باعدارلاما بويىنشا «Alibaba» كومپانياسىنىڭ كەڭسەسىنە بارىپ، دجەك مامەن كەزدەسۋ جوسپارلانعان" دەلىنگەن جازبادا
پىكىر قالدىرۋ