قازاقستان پرەزيدەنتى قاسىم-جومارت توقايەۆ جۇڭگو حالىق رەسپۋبليكاسىنا باستالعان مەملەكەتتىك ساپارى اياسىنداعى جوسپارلانعان كەزدەسۋلەردىڭ بارلىعىندا بايانداماسىن قازاق تىلىندە جاساۋدا، دەپ جازادى Qamshy.kz اقپارات اگەنتتىگى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي حابارلادى.
"مەملەكەت باسشىسى قازاقستان-قىتاي ىسكەرلىك كەڭەسىنىڭ 6-وتىرىسىنىڭ اشىلۋىندا سويلەگەن ءسوزىن، سونداي-اق، قحر ىسكەر توپتارىنىڭ وكىلدەرىمەن كەزدەسۋىندەگى ءسوزىن جانە جۇڭگو قوعامدىق عىلىمدار اكادەمياسىنداعى بايانداماسىن تولىعىمەن مەملەكەتتىك تىلدە جاسادى" جەيدى ول فەيسبۋكتاعى پاراقشاسىندا.
قازاقستان پرەزيدەنتى ساپار اياسىندا قحر ءتوراعاسى سي سزينپينمەن، قحر مەملەكەتتىك كەڭەسىنىڭ پرەمەرى لي كەسيانمەن جانە قىتايدىڭ ءبىرقاتار ساياسي جانە ىسكەرلىك توپتارىمەن كەلىسسوز وتكىزەءدى. سونداي-اق حانچجوۋ قالاسىنا بارىپ، يننوۆاسيالىق ونىمدەردى الەمدىك نارىققا شىعارۋ بويىنشا كوشباسشى "Hikvision" كومپانياسىنىڭ جۇمىسىمەن تانىسىپ، "Alibaba" كومپانياسىنىڭ كەڭسەسىنە بارىپ، دجەك مامەن كەزدەسۋ جوسپارلانعان.
پىكىر قالدىرۋ