بۇگىن، 2 قىركۇيەكتە الماتى اكىمدىگىنىڭ باسپا ءسوز ورتالىعىندا وتكەن بريفينگتە ناۋرىزباي اۋدانىنىڭ اكىمى سانجار توعاي اۋدان تۇرعىندارىمەن كەزدەسۋدىڭ قورىتىندىسى بويىنشا قالا اكىمى ب. ساعىنتايەۆ بەرگەن تاپسىرمالاردىڭ قالاي ورىندالىپ جاتقانىن ايتىپ بەردى، دەپ حابارلايدى Qamshy.kz اقپارات اگەنتتىگى. 

نەگىزىنەن سۇراقتار تۇرعىن ۇي-كوممۋنالدىق سالا، جەر قاتىناستارى، جول-كولىك جانە ينجەنەرلىك قۇرىلىم بويىنشا قويىلدى.

«شەتسىز قالا» باعدارلاماسى اياسىندا اۋدان اكىمىنە 17 تاپسىرما بەرىلدى، ولاردىڭ 4ء-ىن اۋداندىق اكىمدىك (№27، 118 اۆتوبۋستار قاتىناسى بويىنشا – باعىتتار ۇزاردى، سۋ جەلىلەرى تارتىلدى، شۇعىلا ىقشام اۋدانىنداعى بالالار الاڭدارى جوندەلدى) ورىندادى، 4 سۇراق قالانىڭ باسقارمالارىمەن بىرگە (شۇعىلا ىقشام اۋدانىن گازبەن، ەنەرگيامەن جابدىقتاۋ) شەشىمىن تاپتى، 8 سۇراق بويىنشا قالا باسقارمالارىمەن جۇمىستار جۇرۋدە. قالانىڭ پوليسيا دەپارتامەنتىمەن بىرگە اۋداندا قاۋىپسىزدىك كۇشەيتىلۋدە.

تۇرعىندارمەن كەزدەسۋ كەزىندە 41 سۇراق قويىلدى، ولار:

7 – كوممۋنالدىق پروبلەمالار بويىنشا،

11 – كولىك قاتىناسى بويىنشا،

5 – جەر ۋچاسكەسى بويىنشا،

9 - الەۋمەتتىك-مەديسينالىق قىزمەت بويىنشا،

3 – سپورت-مادەني وبەكتىلەر بويىنشا.

بۇگىنگى كۇنى 4 سۇراق شەشىلدى، 13ء-ىن قىركۇيەكتىڭ سوڭىنا دەيىن شەشۋ جوسپارلانعان، قالعان 24 سۇراق قالا باسقارمالارىمەن بىرگە شەشىمىن تاباتىن بولادى.