الماتى اكىمدىگىنىڭ باسپا ءسوز ورتالىعىندا وتكەن بريفينگتە ناۋرىزباي اۋدانىنىڭ اكىمى سانجار توعاي بوس تۇرعان وندىرىستىك بازالاردىڭ ورىندارىندا بيزنەستى اشۋ الاڭدارى ۇيىمداستىرىلاتىنىن حابارلادى، دەپ حابارلايدى Qamshy.kz اقپارات اگەنتتىگى اكىمدىكتىڭ باسپا ءسوز قىزمەتىنە سىلتەمە جاساپ.

قالا اكىمدىگىمەن بىرلەسە وتىرىپ، يندۋستريالدى پاركتەر اشۋعا بولاتىن وندىرىستىك بازالار زەرتتەلدى. اۋداندا وسىنداي 10 ورىن بار ەكەن. بۇلاردا بيزنەس جۇرگىزۋ ءۇشىن بارلىق جاعدايلار جاسالادى، ليزينگ شارتى بويىنشا جابدىقتار الىنادى، كاسىپكەرلەرگە قولجەتىمدى نەسيەلەر بەرىلەدى.

قالا اكىمىنىڭ تاپسىرماسى بويىنشا الماتىدا شوب قولداۋ باعدارلاماسى ىسكە اسادى. بيزنەس اشۋ ىشىندە قالا شەتىندەگىلەرگە 2%-دىق مولشەرمەن، ال ورتالىقتا تۇراتىندارعا 7%-بەن نەسيە بولىنەدى.

«ءبىزدىڭ اۋدانىمىز جاڭا ءارى بيزنەس ءۇشىن بولاشاعى زور. اۋدان وركەن جايۋدا، سوندىقتان ءبىر قادام جاقىن سەرۆيستىك قىزمەتتەر، شاشتارازدار، ماگازيندەر، ەمحانالار جانە باسقا وبەكتىلەر قاجەت. كىشى يندۋستريالدى ايماقتاردا جاڭا ءوندىرىس ورىندارى اشىلادى»، – دەدى س. توعاي.

ونىڭ كەلتىرگەن مالىمەتى بويىنشا بيىلعى جىلدىڭ 7 ايى ىشىندە نەگىزگى كاپيتالدىڭ ينۆەستيسياسى 27،5 ملرد تەڭگەنى قۇرادى. توقىما فابريكاسىن سالۋ – ءىرى ينۆەستيسيالىق جوبالاردىڭ ءبىرى. ول بيىلعى جىلدىڭ سوڭىنا قاراي ىسكە قوسىلادى. جوبانى جۇزەگە اسىرۋعا 750 ملن تەڭگە جۇمسالدى.

جالپى، اۋداندا ءشوب-تىڭ 2 مىڭعا جۋىق سۋبەكتىلەرى تىركەلگەن، 4،5 مىڭ جاڭا جۇمىس ورىندارى قۇرىلعان.