الماتى قالاسى جەتىسۋ اۋدانىندا ورتەنگەن جيھاز سەحىنداعى ءۇيىندى استىنان بەلگىسىز ايەلدىڭ ءمايىتى تابىلدى، دەپ جازادى Qamshy.kz اقپارات اگەنتتىگى. بۇل تۋرالى قالالىق توتەنشە جاعداي دەپارتامەنتى حابارلادى.
قۇرىلىس جابىندىسىن اشۋ كەزىندە بيىكتىگى ءبىر مەترلىك ۇيىندىلەر استىنان مەيىت تابىلعان. سوڭعى دەرەككە قاراعاندا ءمايىت ايەل ادامدىكى.
ءورت اۋماعى 1200 شارشى مەتردى قۇرادى. 13:36-دا جالىننىڭ تاراتىلۋى توقتاتىلعان.
ەسكەرتە كەتەيىك، بۇعان دەيىن راتۋشنوگو 84ا مەكەنجايى بويىنشا جيھاز سەحى ورتەنىپ جاتقانىن حابارلاعان بولاتىنبىز. ءتىلسىز جاۋدى اۋىزدىقتاۋعا 20 تەحنيكا مەن جەكە قۇرامنىڭ 60 ادامى جۇمىلدىرىلدى.
پىكىر قالدىرۋ