وڭىردە 53 مىڭنان استام جول قوزعالىسى ەرەجەلەرىنىڭ بۇزۋشىلىعى انىقتالدى دەپ حابارلايدى Qamshy.kz اقپارات اگەنتتىگى pavlodarnews.kz سايتىنا سىلتەمە جاساپ.

وبلىستىق پوليسيا دەپارتامەنتى باسپا ءسوز قىزمەتىنىڭ مالىمدەۋىنشە، دەپارتامەنتتىڭ باسشىسى پوليسيا گەنەرال-مايورى امانتاي اۋباكىروۆ كەزەكتى حالىقپەن ەسەپ بەرۋ كەزدەسۋىن وتكىزدى. كەزدەسۋ بارىسىندا اقىرعى 4 جىلدا قىلمىستىلىقتىڭ تۇراقتى تومەندەۋىن اتاپ ءوتتى.

پوليسيا ءىس-قيمىلىنىڭ باسىمدى باعىتتارىنىڭ ءبىرى ەسىرتكى قىلمىسىمەن كۇرەسۋ بولىپ تابىلادى، - دەدى دەپارتامەنت باسشىسى. – بيىلعى 8 ايدا 149 ەسىرتكى قۇقىق بۇزۋشىلىعى، ونىڭ ىشىندە ەسىرتكى زاتتارىن اسا ءىرى كولەمدە ساتۋ جانە ساقتاۋعا بايلانىستى 50 قىلمىس انىقتالدى. ەسىرتكى زاتتارىن الۋدىڭ جالپى كولەمى 102 كەلىنى قۇرايدى. سونداي-اق وبلىسىمىزدا براكونەرلىك ماسەلە دە وزەكتى بولىپ تابىلادى. بيىل رەيدتىك ءىس-شارالار وتكىزۋ ناتيجەسىندە تابيعاتتى قورعاۋ زاڭ سالاسىندا 42 قىلمىستىق جانە 580 اكىمشىلىك قۇقىق بۇزۋشىلىق انىقتالدى. 4،5 ميلليون تەڭگەگە ايىپپۇل سالىندى.

ۆەدومستۆو باسشىسى ءوز بايانداماسىندا وبلىس جولدارىنداعى جاعدايلارعا دا قىسقاشا توقتالىپ ءوتتى.

بۇل سالادا ءبىز 53 مىڭنان اسا جول قوزعالىسى ەرەجەلەرىنىڭ بۇزۋشىلىعىن انىقتادىق، - دەدى امانتاي اۋباكىروۆ. – 1358 قۇقىقبۇزۋشى جۇرگىزۋشى كۋالىگىنەن ايىرىلدى. الكوگولدىك ماس كۇيدە 1361 جۇرگىزۋشى ۇستالدى. ونىڭ 201ء-ى اكىمشىلىك قاماۋعا الىندى. 586 ميلليون تەڭگە كولەمىندە ايىپپۇل سالىندى.

سونىمەن قاتار، بۇگىندە ودورولوگيالىق زەرتحانا ءوزىنىڭ وڭ ناتيجەلەرىن كورسەتۋدە. قىزمەتتىك يتتەردىڭ كومەگىمەن ءيىس پەن ىزدەردى پايدالانا وتىرىپ، ارنايى كريميناليستيكالىق زەرتتەۋلەر جۇرگىزىلۋدە. ولاردىڭ كومەگىمەن 2 كىسى ءولتىرۋ، 2 توناۋ قىلمىسى اشىلدى.

ەڭ وزەكتى ماسەلە – قاۋىپسىزدىك سالاسىن ساندىق جۇيەگە كوشىرۋ، - دەدى دەپارتامەنت باسشىسى. – پاۆلودار قالاسىندا بەينەباقىلاۋ جەدەل باسقارۋ ورتالىعىنىڭ 117 كامەراسى ارقىلى جۇزەگە اسىرىلادى. ەكىباستۇز، اقسۋ جانە وبلىس اۋداندارىنىڭ كەزەكشى بولىمدەرىندە 130 بەينەباقىلاۋ كامەرالارى قىزمەت ەتەدى. اعىمداعى جىلدىڭ 8 ايى ىشىندە ولاردىڭ كومەگىمەن 100-دەن اسا قىلمىس اشىلىپ، 19 مىڭ اكىمشىلىك قۇقىق بۇزۋشىلىق انىقتالدى.