ىشكى ىستەر مينيسترلىگى ازاماتتاردىڭ تىركەۋ تۋرالى مالىمەتتەرىن ەلەكتروندى فورماتقا كوشىرەدى دەپ حابارلايدى Qamshy.kz اقپارات اگەنتتىگى ءىىم باسپا ءسوز قىزمەتىنە سىلتەمە جاساپ.
ازاماتتاردى تىركەۋ تۋرالى مالىمەتتەردى بەرۋ مەملەكەتتىك قىزمەتتەر اراسىندا ءجيى سۇرالادى. جىل سايىن حالىق قۇجاتتاردى، جەڭىلدىكتەردى، جاردەماقىلاردى جانە باسقا دا قىزمەتتەردى الۋ ءۇشىن مەملەكەتتىك ورگاندار مەن ۇيىمدارعا 10 ميلليوننان اسا مەكەنجاي انىقتامالارىن الادى. جۇمىسقا، مەكتەپتەرگە، بالاباقشالارعا، ەمحانالارعا، بانكتەرگە ورنالاسۋ كەزىندە ازاماتتار حقكو-عا، مەملەكەتتىك ورگاندارعا تۇراقتى تۇردە جۇگىنۋ ارقىلى كەزەكتە تۇرىپ، ۋاقىت جوعالتادى.
"ءىىم ءوز دەرەكتەر بازاسىن باسقا مەملەكەتتىك ورگاندارمەن بىرىكتىردى، بۇل حالىققا مەملەكەتتىك قىزمەت كورسەتۋ مەحانيزىمىن جەڭىلدەتتى. ەندى مەكەنجاي انىقتامالارىن بەرۋ تولىعىمەن الىنىپ تاستالادى، سەبەبى بۇل دەرەكتەر بارلىق مەملەكەتتىك ورگانداردىڭ بازاسىندا بار.
مەملەكەتتىك قىزمەتتەردى الۋ ۋاقىتىن قىسقارتۋ جانە قاعازباستىلىققا جول بەرمەۋ ماقساتىندا مەكەنجاي انىقتاماسى ەندى سۇرالمايدى"، - دەپ حابارلادى ۆەدومستۆودان. مينيسترلىك وكىلدەرى، قازىرگى ۋاقىتتا نورماتيۆتىك-قۇقىقتىق اكتىلەرگە ءتيىستى تۇزەتۋلەر ەنگىزىلىپ جاتقانىن ايتتى.
"سونىمەن قاتار، ازاماتتاردىڭ وزدەرى تىركەۋ مەكەنجايى تۋرالى مالىمەتتەردى "ەلەكتروندىق ۇكىمەت" پورتالىنداعى جەكە كابينەتىندە تەكسەرە الادى. تۇرعىن ءۇي يەلەرى سونداي-اق، پورتال نەمەسە "ەلەكتروندىق ۇكىمەتتىڭ" موبيلدىك قوسىمشاسى ارقىلى ولاردا تىركەلگەن تۇلعالار تۋرالى مالىمەتتەردى تەكسەرە الادى. مەكەنجاي انىقتامالارىن بەرۋدى جويۋ ارقىلى - ارتىق قاعاز قۇجات اينالىمىن قىسقارتۋ جانە ازاماتتارعا انىقتاما الۋ ءۇشىن حقكو-عا جۇگىنۋ قاجەتتىلىگى جويىلادى.
سونىمەن قاتار، ءىىم ازاماتتاردى تىركەۋگە بايلانىستى باسقا دا ءبىرقاتار مەملەكەتتىك قىزمەتتەردى جەڭىلدەتىپ، وڭتايلاندىردى"، - دەلىنگەن حابارلامادا.
