قوستاناي وبلىسىنىڭ سىبايلاس جەمقورلىققا قارسى قىزمەتى بىرنەشە مارتە پارا الدى دەگەن كۇدىك بويىنشا قوستاناي قالالىق پوليسيا باسقارماسى كوشى-قون قىزمەتى ءبولىمىنىڭ باسشىسى، پوليسيا پودپولكوۆنيگى بايجانوۆقا قاتىستى سوتقا دەيىنگى تەرگەۋدى اياقتادى، – دەپ Qamshy.kz اقپارات اگەنتتىگى حابارلايدى.

"ول كراۆچۋكتىڭ كومەگىمەن مانۋكيان، گرەبەنيۋك، ەگيازاريان، زاكويان مەن ماحمادوۆتان جالپى قامقورلىعى، شەتەلدىكتەردى كەدەرگىسىز تىركەۋ مەن ولارعا ەلدە تۇرۋعا ىقتيارحات راسىمدەۋ ءۇشىن 3 ميلليون 10 مىڭ تەڭگە سوماسىندا جۇيەلى نەگىزدە پارا الدى دەگەن كۇدىككە ءىلىندى"،  – دەپ سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى حابارلادى.

قوستاناي قالاسىنىڭ №2 سوتىنىڭ ۇكىمىمەن بايجانوۆ 6 جىلعا سوتتالدى. سونداي-اق ول مەملەكەتتىك قىزمەتتە لاۋازىمدى قىزمەتپەن اينالىسۋ جانە ارنايى اتاق-شەن الۋ قۇقىعىنان ءومىر بويىنا ايىرىلدى.