تالدىقورعان ءدامحاناسىندا وق اتىلىپ، ءبىر ادام بەت تۇسىنان جاراقات الدى دەپ حابارلايدى Qamshy.kz اقپارات اگەنتتىگى الماتى وبلىسى پووليسياسىنىڭ پاراقشاسىنا سىلتەمە جاساپ.
پوليسيا قىزمەتكەرلەرى ءدامحانالاردىڭ بىرىنە تراۆماتيكالىق قارۋدان وقىپ اتىپ، قالانىڭ جەرگىلىكتى تۇرعىندارىنىڭ ءبىرىن جاراقاتتاعان 42 جاستاعى ماس ەر ادامدى ۇستادى.
31 قازان كۇنى تۇندە تالدىقورعان قالالىق پوليسياسىنا 3-شاعىن اۋدانداعى ءدامحانانىڭ جانىندا اتىس بولعانى تۋرالى قوڭىراۋ كەلىپ تۇسكەن. وقيعا ورنىنا جەتكەن پوليسيا قىزمەتكەرلەرى 45 جاستاعى ەر ادامنىڭ وق جاراقاتىن العانىن انىقتادى. زارداپ شەككەن ازامات تالدىقورعان قالالىق اۋرۋحاناسىنا جەتكىزىلدى.
پوسموترەت ەتۋ پۋبليكاسيۋ ۆ Instagram
كوپ ۇزاماي پوليسەيلەر كورشى ۇيلەردىڭ بىرىندە تۇراتىن كۇدىكتىنى انىقتاپ، ونى پوليسياعا جەتكىزدى. ۇستالعان كەزدە ول ماس بولعان.
ويىن-ساۋىق مەكەمەسىندە جابىرلەنۋشى مەن كۇدىكتى اراسىندا جانجال تۋىنداعانى بەلگىلى بولدى. سوڭىندا ولاردىڭ ءبىرى كوشەدە قارسىلاسىنا بىرنەشە رەت تاپانشادان وق اتقان.
