الماتى قالاسى اكىمدىگىنىڭ باسپا ءسوز ورتالىعىندا وتكەن جيىندا قالالىق ءبىلىم باسقارماسىنىڭ باسشىسى گۇلنار حودجابەرگەنوۆا ءبىلىم سالاسىنداعى ماڭىزدى ماسەلەلەردىڭ شەشىلۋ بارىسى تۋرالى ايتتى.

قازاقستان رەسپۋبليكاسىنىڭ 2018 جىلعى 25 قاڭتارداعى №64 قاۋلىسىنا سايكەس بارلىق مەكتەپتەردە وسى ماسەلەلەرگە ءبىلىم بەرۋ جۇيەسىنىڭ (جاپپاي وقىتۋ قورى) جالپى بيۋدجەتىنىڭ كەم دەگەندە 1% قارجىسى قاراستىرىلعان. قارجى مەملەكەتتەن اتاۋلى الەۋمەتتىك كومەك الۋ قۇقىعىنا يە ءارى كۇن كورىسى تومەن، سونىمەن قاتار توتەنشە جاعداي سالدارىنان جەدەل كومەككە ءزارۋ وتباسىلاردىڭ وقۋشىلارىنا ءارى اتا-انا قاراۋىنسىز قالعان جەتىمدەرگە بەرىلەدى.

«ايتا كەتەرلىگى، مەملەكەتتىك ستاندارت قىزمەتىنە سايكەس الماتىدا الەۋمەتتىك جاعىنان از قامتىلعان وتباسىلار وقۋشىلارىنىڭ بارلىعى جاپپاي وقىتۋ قورى قارجىسى ەسەبىنەن 100% تەگىن تاماقپەن قامتىلعان»، - دەدى قالالىق ءبىلىم باسقارماسىنىڭ باسشىسى گۇلنار حودجابەرگەنوۆا.

جاپپاي وقىتۋ قورى قارجىسىنان 2019 جىلى قالا بويىنشا وسى ساناتتاعى 20،7 مىڭ بالاعا 1،235 ملرد. تەڭگە (مەكتەپتى ۇستاۋعا كەتەتىن شىعىننىڭ جالپى سوماسىنىڭ 2،3%-ىن قۇرايدى) قاراستىرىلعان. 2019 جىلدىڭ 9 ايى ىشىندە جالپى سوماسى 536 ملن. 725 مىڭ تەڭگەگە 20 735 وقۋشى تەگىن تاماقتاندى.

ءبىلىم باسقارماسىنىڭ باسشىسى اعىمداعى جىلى مەكتەپتەر مەن كوللەدجدەردىڭ ماتەريالدىق-تەحنيكالىق بازالارىن نىعايتۋ ءۇشىن تىگىن ماشينالار جيىنتىعىنىڭ، ينتەرناتتار ءۇشىن مۋلتيمەديالىق جابدىقتار مەن ءبىلىم مەكەمەلەرى ءۇشىن جيھازداردىڭ ساتىپ الىنعانىن ايتتى. ءبىلىم مەكەمەلەرىندەگى ەسكىرگەن پروەكتورلار 450 داناعا جاڭادى.

2019 جىلى وقۋشى ورنىنىڭ تاپشىلىعىن ازايتۋ ءۇشىن الاتاۋ اۋدانىندا 600 ورىندى №201 مەكتەپ، بوستاندىق اۋدانىندا №105 مەكتەپ جانىنان 300 ورىندى قوسالقى نىسان پايدالانۋعا بەرىلدى.

تۇركسىب اۋدانىنداعى «كولحوزشى» ەلدى مەكەنىندە 600 ورىندى مەكتەپتىڭ، اۋەزوۆ اۋدانىنىڭ «مامىر» ىقشاماۋدانىندا 1200 ورىندى مەكتەپتىڭ، سونىمەن قاتار جەكە ينۆەستيسيا ەسەبىنەن (ە. تاتىشيەۆ قورى) 600 ورىندى مەكتەپتەر، № 61، 123، 164، 172 جانىنان 1717 ورىندى قوسالقى نىساندار جانە الەۋمەتتىك جاۋاپكەرشىلىك اياسىندا اشىلۋى 2020 جىلدىڭ قىركۇيەگىنە جوسپارلانعان №140 مەكتەپ جانىنان 300 ورىندى قوسالقى نىسان سالىنۋدا.

2020 جىلى ءمجا بويىنشا 12900 ورىندى 8 مەكتەپتىڭ، 1640 ورىندى 3 جەكە مەكتەپتىڭ، مەكتەپتەر جانىنان ءارقايسىسى 600 ورىندى 2 قوسالقى نىساننىڭ قۇرىلىسىن باستاۋ جوسپارلانعان.

قازىرگى كەزدە 30 183 وقۋشى ورنى جەتىسپەيدى.