نازاربايەۆ توقايەۆقا پرەزيدەنتتىك ۇشاقتى بەرمەگەن

/image/2019/12/04/crop-109_60_469x626_empty.jpg

ACS چارتەرلىك قىزمەتىنىڭ اۆياسيالىق جۋرناليستەرى قازاقستانداعى ۇشۋ دەرەكتەرىن سارالاي كەلە، بورت نومەرى UP-A3001 Airbus A330-243 Prestige ۇشاعىمەن بۇرىنعىداي ەكس-پرەزيدەنت نۇرسۇلتان نازاربايەۆ ۇشىپ ءجۇر دەگەن قورىتىندى جاساعان، دەپ جازادى Qamshy.kz اقپارات اگەنتتىگى www.iarex.ru سايتىنا سىلتەمە جاساپ.

بيىلعى جىلدىڭ 19 ناۋرىزىندا ورىنتاعىن قاسىم-جومارت توقايەۆقا بوساتقان ن.نازاربايەۆ قۇنى 250 ملن دوللار تۇراتىن ءبىرىنشى نومەرلى پرەزيدەنتتىك بورتتى دا بەرۋى ءتيىس بولاتىن. الايدا ولاي بولماي شىقتى. ناتيجەسىندە قازاقستاندا ءبىر ۋاقىتتا ەكى پرەزيدەنت لاينەرى قولدانىلاتىن قىزىق جاعداي ورنادى.

سونداي-اق بۇنداي بورت نومەرى بار اۋە كەمەسى مەملەكەتتىڭ ءبىرىنشى تۇلعالارى مەن رەسمي دەلەگاسيانى تاسىمالداۋمەن اينالىساتىن مەملەكەتتىك «بۇركىت» اۋەكومپانياسىنىڭ بالانسىندا تۇرعان جوق. لاينەر «قازاقستان – ۇكىمەت» اۋەفلوتى قۇرامىنان تابىلعان. دەمەك، اۆياسيالىق ونلاين-مونيتورينگ رەسۋرسىنىڭ دەرەگىنە ساي، UP-A3001 بورت نومەرلى لاينەر قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆتىڭ يەلىگىندە قالعان.

ال پرەزيدەنت ق.توقايەۆ مۇلدە باسقا – Airbus A321-211(CJ) اۋە كەمەسىمەن ۇشىپ ءجۇر. ول پرەزيدەنت رەتىندەگى العاشقى ساپارىن دا وسى لاينەرمەن جاساعان بولاتىن. ۇشاق «بۇركىت» مەملەكەتتىك اۋە كومپانياسىنىڭ بالانسىندا.

ا

قاسىم-جومارت توقايەۆتىڭ ۇشاعى

وسىلايشا زاڭدىق تۇرعىدا قازاقستاندا بيلىك اۋىسقانىمەن، ءىس جۇزىندە بيلىك ءبولىنىسى عانا جۇرگەن. بۇنى رەسپۋبليكاداعى قازىرگى پرەزيدەنت پەن بۇرىنعى پرەزيدەنتتىڭ ءارقايسىسىندا ءوز بورتىنىڭ بولۋى ايعاقتاپ تۇر.

پىكىر قالدىرۋ

قاتىستى ماقالالار