شىمكەنتتە ايەل ءوزىن ورتەپ جىبەردى. قايعىلى وقيعا 3 جەلتوقساندا بولدى. دەنەسىنىڭ 80 پايىزىن كۇيىك شالعان ايەل اۋرۋحاناعا جەتكىزىلدى، - دەپ حابارلايدى Qamshy.kz اقپارات اگەنتتىگى ءتىلشىسى قالالىق پوليسيا بولىمىنە سىلتەمە جاساپ.
1988 جىلى تۋعان ايەل تاسساي ىقشاماۋدانىنداعى يۋسۋف سارەمي كوشەسىنىڭ بويىندا بەنزينمەن ءوزىن ورتەگەن. ول گيپەرباريالىق وكسيگەناسيا ورتالىعىنا جەتكىزىلدى. ءقازىر زارداپ شەگۋشى جانساقتاۋ بولىمىندە. دارىگەرلەر ايەلدىڭ جاعدايى اۋىر ەكەنىن ايتتى.
بەيرەسمي مالىمەتتەرگە سايكەس، شىمكەتتىك تۇرعىننىڭ ءوزىن-وزى ورتەۋىنە جاس جىگىتپەن قارىم-قاتىناستىڭ ءۇزىلۋى سەبەپ بولعان. اتالعان فاكت سوتقا دەيىنگى تەرگەۋدىڭ ءبىرىڭعاي تىزىلىمىندە قازاقستان رەسپۋبليكاسى قىلمىستىق كودەكسىنىڭ 105-بابى «وز-وزىنە قول جۇمساۋعا تارتۋ» بويىنشا تىركەلدى. تەرگەۋ امالدارى جۇرگىزىلۋدە.
پىكىر قالدىرۋ