مەملەكەت قازىرگى ۋاقىتتا دەنساۋلىق سالاسىنا زور كوڭىل ءبولىپ كەلەدى. ويتكەنى زامان كوشىنەن قالۋعا بولمايدى. وركەنيەت دامىعان سايىن مەديسينا سالاسىندا دا وڭ وزگەرىستەر بولىپ جاتىر. سوندىقتان اۋىل مەديسيناسى وركەنيەتتەن كوش قالماۋى كەرەك. مامانداردىڭ بىلىكتى بولعانى ابزال. بۇل ورايدا تۇركىستان وبلىسىنداعى سايرام اۋدانىنىنىڭ دەنساۋلىق سالاسىندا وڭ وزگەرىستەر بار. ءبىر عانا مىسال، اتالعان وڭىردەگى سايرام ورتالىق اۋداندىق اۋرۋحاناسى بۇگىندە حالقى كوپ شوعىرلانعان وڭىرگە مەديسينالىق تۇرعىدان قىزمەت كورسەتەدى. اتاپ وتەر بولساق، بۇل مەكەمەگە قازاقستان دەنساۋلىق ساقتاۋ سالاسىنىڭ ۇزدىگى، جوعارى دارەجەلى ۇيىمداستىرۋشى، باس دارىگەر  قالدىباي ءساۋاقاس ۇلى ىدىرىسوۆ باسشىلىق ەتەدى. سايرام ورتالىق اۋداندىق اۋرۋحاناسىنىڭ قۇرامىندا 431 ورىندىق ستاسيونار بولىمشەسى، سونداي-اق 3 پمسپ، 6 ۆا، 9 فاپ، 6 مپ كىرەتىنىن ايتا كەتكەن ءجون. سونىمەن قاتار،  ونىڭ قاراماعىندا كەڭەس بەرەتىن دياگنوستيكالىق ەمحانا، تەرى-ۆەنورولوگيا قىزمەتى، تۋبيۋەركۋلەزگە قارسى كابينەت، اۋدان مەكتەپتەرىندەگى مەدپۋنكتەر، شارۋاشىلىق ءبولىمى مەن باسقا دا تولىپ جاتقان مەكەمەلەر بار.

2018 جىلدان باستاپ، سايرام ورتالىق اۋداندىق اۋرۋحاناسىنىڭ بازاسىندا ينسۋلت ورتالىعى اشىلدى. ورتالىق بارلىق ماماندارمەن، قاجەتتى مەديسينالىق جابدىقتارمەن تولىقتاي قامتاماسىز ەتىلگەن. مۇندا نيەۆروپاتولوگ، نەيروحيرۋرگ، كارديولوگ، رەنيماتولوگ، لفك دارىگەرى، لەگوپەد، پسيحولوگتار جانە تاعى باسقا ماماندار سىرقات جاندارعا جان مەيىرىمىن ءتونىپ، ادال قىزمەت ەتەدى. قازىرگى ۋاقىتتا سىرقات جاندار ءۇشىن ورتالىق وتە ءتيىمدى بولىپ وتىر. اتالعان مەكەمە اشىلعالى بەرى جۇرەگىندە اقاۋى بار ازاماتتاردىڭ سانى 4،2 پايىزعا ازايدى. ينسۋلت ورتالىعىنان سوڭ، 2018 جىلدىڭ قازان ايىندا كومپيۋتەرلىك توموگرافيا كابينەتى اشىلدى. بۇل قوندىرعى قازىرگى زامانعى جاڭا بۋىننىڭ جابدىعى ەكەنىن ايتا كەتكەن ءجون. بۇل جابدىقتىڭ اۋدان تۇرعىندارىنىڭ دەنساۋلىعى ءۇشىن پايداسى زور. ولار الىس قالاعا بارىپ دەنساۋلىعىن تەكسەرتىپ،  بوسقا شارشامايدى. سايرامداعى كوميۋتەرلىك توموگرافياعا كەلىپ، دەنساۋلىعىنداعى كىناراتىن تەكسەرەدى. مۇندا قانداي قىزمەت كورسەتىلەدى؟ مۇندا ميدىڭ قىرتاسىن، ومىرتقانىڭ بۇكىل بوىلىگىن، ءتوس كلەتكالارىن، جامباس پەن  تىزە قيمىل-قوزعالىسىن تۇگەلدەي تەكسەرەدى. ورتاق تۇجىرىمداماسىن شىعارادى.  دياگنوستيكانىڭ جاڭا تاسىلدەرىن قولدانا وتىرىپ، ءينسۋلتتىڭ ەرتە باستالعان كەزەڭىن، مي ىسىگى مەن باسقا دا ورگانداردىڭ سىرقات سەبەبىن انىقتايدى. مۇندا بىلىكتى ماماندار كەلۋشىلەرگە ساپالى قىزمەت كورسەتەدى.

–دەنساۋلىق – زور بايلىق. مۇنى مەملەكەت تە، حالىق تا بارىنشا ءتۇسىنىپ ءارى سەزىنىپ وتىر. سوندىقتان دا ءبىز تۇرعىندار اراسىندا سالاۋاتتى ءومىر سالتىن ناسيحاتتاپ، اۋرۋدىڭ الدىن الۋعا بارىنشا نازار اۋدارامىز. پرەزيدەنت پەن  دەنساۋلىق ساقتاۋ ءمينيسترى ە. ءبىرتانوۆ ەل الدىنا ۇلكەن مىندەتتەر جۇكتەپ وتىر. وبلىستىڭ دەنساۋلىق ساقتاۋ ءبولىمىنىڭ باسشىسىنىڭ تاپسىرمالارى ءجىتى نازارىمىزدا. 2018 جىلدان باستاپ سايرام اۋداندىق ورتالىق اۋرۋحاناسىندا پيلوتتىق جوبا ىسكە قوسىلدى. اۋرۋحانا قىزمەتكەرلەرى  قاعازباستىلىقتان ارىلدى. وسىعان بايلانىستى 2019 جىلدىڭ قاڭتار ايىنان بەرى  ورتالىق اۋرۋحانا تۇتاستاي ءىس-قاعازدارىن ەلەكتروندىق نۇسقاعا كوشىردى. ءقازىر ءبىزدىڭ دارىگەرلەر قاعاز تولتىرىپ، كوپ ۋاقىتىن المايدى. بۇل جۇمىستىڭ جەڭىلدەۋىنە ءوز اسەرىن تيگىزدى، – دەيدى جوعارى دارەجەلى ۇيىمداستىرۋشى، ىسكەر باسشى  قالدىباي ءساۋاقاس ۇلى ىدىرىسوۆ.

راسىندا دا اۋىل نەمەسە اۋدان بولسىن، مەديسينالىق جاڭالىقتاردان كەش قالماۋى ءتيىس. بۇل ورايدا سايرام اۋدانىنىڭ مەديسينا سالاسىندا جاعىمدى ناتيجە الارلىقتاي جاڭالىقتار وتە كوپ. ءقازىر اۋداننىڭ مەدقىزمەتكەرلەرى وبلىس ورتالىعىنا، الىس الماتى نەمەسە نۇر-سۇلتان قالاسىنا بارماي-اق اقىل - كەڭەستەرىن الۋعا مۇمكىندىگى زور. اۋداندا تەلەمەديسينالىق ورتالىق جۇمىس ىستەيدى. وبلىستان جانە رەسپۋبليكالىق مەديسينالىق مەكەمەنىڭ ماماندارى اۋدان داراىگەرلەرىنە كەڭەس بەرە الادى. سونىمەن قاتار، جەرگىلىكتى دارىگەرلەر ون-لاين رەجيمىندە وقىپ، بىلىكتىلىگىن ارتتىرا الادى. مۇنىڭ مەدقىزمەتكەرلەر ءۇشىن تيىمدىلىگى زور بولىپ وتىر. اۋدان كولەمىندە مەديسينالىق جاڭا عيماراتتار بوي كوتەرىپ، حالىققا قىزمەت كورسەتۋدە. اتاپ ايتار بولساق، سوڭعى 5 جىلدا 2 فەلدشەرلىك- اكۋشەرلىك پۋكت، 1 مەدپۋنكت سالىنىپ،  1 اۋداندىق ەمحانانىڭ قۇرىلىسى باستالۋ ۇستىندە. سونداي-اق اۋىلداردا كوپتەگەن مەديسينالىق عيماراتتار بوي كوتەرىپ، جەرگىلىكتى حالىققا قىزمەت كورسەتۋدە.  

سايرام اۋداندىق ورتالىق اۋرۋحاناسىندا بۇگىنگى تاڭدا 1290 مەديسينالىق قىزمەتكەرلەر قىزمەت تەۋدە. ونىڭ ىشىندە 304 دارىگەرلەر، 986-سى ورتا دارەجەدەگى مەديسينالىق قىزمەتەرلەر بار. اۋدانداعى ونداعان دارىگەرلەر دەنساۋلىق سالاسىنداعى مەدالمەن ماراپاتتالعان، جوعارى باسشىلاردان العىس حات الىپ، ساپالى قىزمەت كورسەتىپ جاتقاندار دا ۇشان تەڭىز.

مەديسيناداعى بولىپ جاتقان وزگەرىستەرگە ساي اۋدان دارىگەرلەرى جىل سايىن ءبىلىمىن تولىقتىرىپ، بىلىكتىلىگىن ارتىرىپ وتىرادى. ارينە، اۋدانداعى مەديسينالىق جاعىمدى جاڭالىقتاردى ءبىر ماقالاعا سىيدىرۋ مۇمكىن ەمەس. ءبىراق ايتا كەتەرلىگى،  سايرام اۋدانىنىڭ دەنساۋلىق ساقتاۋ سالاسى بۇگىنگى كۇندە وڭ وزگەرىستەردى باستان كەشىرۋدە. ويتكەنى بۇل سالاعا ىسكەر ۇيىمداستىرۋشى قالدىباي ءساۋاقاس ۇلى ىدىرىسوۆ باسشىلىق ەتەدى.  ال مەديسيناعا وسىنداي مىقتى باسشىلار وتە كەرەك.

ەركىن قالدان