UCL زەرتتەۋ ورتالىعى ماماندارىنىڭ ايتۋىنشا، ادامنىڭ ەموسياسى اقپاراتتى وقۋ كەزىندە ەمەس، تىڭداۋ بارىسىندا ايقىن بايقالادى. وسى رەتتە اۋديوكىتاپتار قازىرگى تاڭدا بىزگە ءبىرقاتار مۇمكىندىكتەر ۇسىنىپ وتىر. سونىڭ ىشىندە، ۋاقىتتى ۇنەمدەپ، وقۋ ۇدەرىسىن الدەقايدا جاعىمدى ەتە وتىرىپ، دەنساۋلىققا دا وڭ اسەرىن تيگىزەدى.

جۋىردا كوپشىلىكتىڭ كىتاپ وقۋعا قاتىستى پىكىرىن ءبىلۋ ماقساتىندا 19-35 جاس ارالىعىنداعى الەۋمەتتىك جەلى (Instagram، VK)  قولدانۋشىلارى اراسىندا ساۋالناما جۇرگىزگەن ەدىك. پىكىرتەرىمدە «كىتاپتى قانداي فورماتتا وقىعان ىڭعايلى؟» دەگەن ساۋال قويىلدى.

ساۋالناماعا قاتىسقانداردىڭ 12 پايىزى كىتاپ وقىمايتىنى انىقتالدى. سۇرالعانداردىڭ 16%-ى باسپا كىتاپتى وقىعاندى قۇپ كورەدى. ءبىراق ولاردىڭ سوزىنشە باسپا كىتاپتار وقۋعا ىڭعايلى بولعانىمەن، باعا تۇرعىسىنان ءتيىمسىز. ورتا ەسەپپەن ءبىر كىتاپتىڭ قۇنى 3500-5000 تەڭگە تۇرادى. سول سەبەپتەن بولار، قاتىسۋشىلاردىڭ 29 پايىزى كىتاپتى ەلەكتروندىق نۇسقادا وقىعاندى ۇناتادى ەكەن. قالعان 43%-ى بارلىق جاعىنان ءتيىمدى ءارى ىڭعايلى دەپ اۋديو نۇسقاداعى كىتاپتاردى تاڭداعان.

ساۋالناماعا قاتىسقانداردى نارىقتا ءقازاقتىلدى اۋديوكىتاپتاردىڭ ازدىعى قىنجىلتاتىنىن بايقادىق. سوندىقتان باسىم كوپشىلىگى الەم ادەبيەتى مەن شەتەل اۆتورلارىن وقۋعا ءماجبۇر. بالالار دا شەتەلدىك ەرتەگىلەردى تىڭداپ ءوسىپ جاتقانى جاسىرىن ەمەس.

وسى ورايدا مەدياكەڭىستىككە شولۋ جاساپ، اpp Store مەن Play Market پلاتفورمالارىنداعى اۋديوكىتاپ ۇسىناتىن قوسىمشالارعا اناليز جاسادىق. ەڭ كوپ تىڭدالىمعا يە قوسىمشالاردىڭ قاتارىنا رەسەيلىك «سلۋشاي اۋديوكنيگي» جانە «Storytel» موبيلدىك قوسىمشالارى ەنگەن. ولاردىڭ رەيتينگتەرى 4.7ء-نى قۇرايدى. ەڭ قىزىعى، قوسىمشا قولدانۋشىلارىنىڭ 30%-ى ءبىزدىڭ وتانداستار. ال قازاق ءتىلدى كەڭىستىكتەگى «AudioKitap» قوسىمشاسىنىڭ قولدانۋشىلارى تىم از. ويتكەنى ول جەردەگى كونتەنتتىڭ ءوز از. بۇگىندە جوعارى سۇرانىسقا يە كىتاپتار تىزىمىندە بيزنەس، پسيحولوگيا، موتيۆاسيالىق باعىتتاعى ەڭبەكتەر كوش باستاپ تۇر. بالكىم، قوسىمشا قولدانۋشىلارىنىڭ ازدىعىنا تانىمال ادەبيەتتەردىڭ ءقازاقتىلدى نۇسقاسىنىڭ بولماۋى اسەر ەتىپ جاتقان شىعار.

بۇل ولقىلىقتىڭ ورنىن تولتىرۋعا تالپىنىستار جاسالماي جاتقان جوق. ايتالىق، وتاندىق «AiAt» اۋديو ءموبيلدى قوسىمشاسى موتيۆاسيالىق، پسيحولوگيالىق باعىتتاعى الەمدىك بەستسەللەرلەرمەن قاتار، شەتەلدىك جانە وتاندىق ادەبيەتتىڭ اۋديو نۇسقالارىن ۇسىنىپ ءجۇر. دەسە دە بۇل جەتكىلىكسىز. سوندىقتان ءالى دە قازاق تىلىندەگى اۋديوكىتاپ قوسىمشالاردىڭ ورنى ويسىراپ تۇر.

ايشولپان تانكييەۆا