جاقىن كۇندەرى پاريجدە «نورماند تورتتىگىنىڭ» كەزدەسۋى وتەتىنى بەلگىلى. وعان گەرمانيا، فرانسيا، ۋكراينا جانە رەسەي باسشىلارى قاتىسادى. وسىعان وراي ۋكراينانىڭ بۇرىنعى باسشىسى  پەتر پوروشەنكو قازىرگى پرەزيدەنت ۆلاديمير زەلەنسكييگە كەڭەس بەردى.

ۋكراينانىڭ ەكس-پرەزيدەنتى بارلىق كەلىسسوزدەردى تەك قانا مينسك كەلىسىمىنىڭ اياسىندا عانا وتكىزۋ قاجەتتىگىن ايتتى. سونىمەن قاتار، بەيبىتشىلىكتى قالپىنا كەلتىرۋ ءۇشىن دونباسس اۋماعىنا تەك قانا بۇۇ-نىڭ بىتىمگەرشىلىك اسكەرى عانا ەنۋى ءتيىس.

–ابايلا، پۋتينگە ەشقاشان سەنۋگە بولمايدى. ول كەلىسسوز بارىسىندا ءارتۇرلى ايلا شارعىعا بارۋى مۇمكىن. ونىڭ الدىندا جالپاقتاپ كەرەگى جوق. ول كگب -نىڭ ادامى بولعاندىقتان ءارتۇرلى ساياسي ارەكەتكە بارادى. الداۋسىراتىپ، ارزان گاز تاسىمالى ماسەلەسىن دە قوزعاۋى مۇمكىن.  

سوندىقتان سىر بەرمەۋ كەرەك، – دەدى ۋكراينانىڭ بۇرىنعى باسشىسى بۇگىنگى پرەزيدەنت ۆلاديمير زەلەنسكييگە.

ەسكەرتە كەتەيىك، «نورماند تورتتىگىنىڭ» كەزدەسۋى 9 جەلتوقسان كۇنى پاريج قالاسىندا وتەدى.