ق ر ۇقك-نىڭ الماتى قالاسى بويىنشا دەپارتامەنتى پروكۋراتۋرا ورگاندارىمەن بىرلەسىپ، "وليمپ" بۋكمەكەرلىك كەڭسەسى اكىمشىلىگىنىڭ زاڭسىز ويىن بيزنەسىن ۇيىمداستىرۋ فاكتىسى بويىنشا سوتقا دەيىنگى تەرگەۋ جۇرگىزۋگە باستاماشى بولدى. بۇل تۋرالى كوميتەتتىڭ باسپا ءسوز قىزمەتى حابارلادى.
تەرگەۋ دەرەكتەرى بويىنشا، كومپانيا قازاقستان رەسپۋبليكاسىنىڭ قولدانىستاعى زاڭناما نورمالارىن بۇزا وتىرىپ، بەلگىلى ءبىر تابىس تابۋمەن ينتەرنەت-رەسۋرس ارقىلى ليسەنزيالانباعان ارەكەتتى جۇزەگە اسىرعان. تيىسىنشە، وسى سالاعا سالىق سالىنباعان.
قازاقستان شەگىنەن تىس اقشالاي قاراجاتتى زاڭسىز شىعارۋ ارنالارى انىقتالىپ، وقشاۋلاندى. قارجى قىلمىستارى سالاسىنا جاتاتىن وزگە دە ارەكەتتەر تىركەلۋدە.
2019 جىلعى 29 قاراشادا الماتى قالاسى مامانداندىرىلعان اۋدانارالىق اكىمشىلىك سوتى "وليمپ" ساۋدا بەلگىسىمەن «Only bet» ج ش س جانە «Alpha bet» ج ش س بەرىلگەن ليسەنزيا قولدانىسىن 6 اي مەرزىمىنە توقتاتتى.
قازىرگى ۋاقىتتا «وليمپ» بۋكمەكەرلىك كەڭسەسى زاڭسىز ارەكەتىنىڭ، سونداي-اق سالىق زاڭناماسىن بۇزۋدىڭ ناقتى اۋقىمىن انىقتاۋ بويىنشا تەرگەۋ ءىس-شارالارى جۇرگىزىلۋدە.
