ەندى بىر-ەكى كۇننەن كەيىن، ياعني 9 جەلتوقسان كۇنى پاريجدە «نورماند تورتتىگىنىڭ» كەزدەسۋى وتەدى. وعان ۋكراينا، رەسەي، گەرمانيا جانە فرانسيا باسشالارى قاتىسادى. باستى ماسەلە – ۋكراينا تەرريتورياسىنداعى جاعداي جانە مينسك كەلىسىمىن جۇزەگە اسىرۋ.

ءبىراق الەم نازارىن اۋدارىپ وتىرعان بۇل كەزدەسۋدىڭ ناتيجەسى قالاي بولاتىنى ءالى بەلگىسىز. الايدا ۋكراين باسشىسى ۆلاديميمر زەلەنسكيي بۇل كەزدەسۋدەن قورقىنىشى بارىن دا جاسىرمادى. بۇل نە ۇرەي؟ زەلەنسكيي پۋتينمەن كەزدەسۋدەن جاسقانىپ وتىر ما؟

–مەن ونىمەن كەزدەسۋدەن ۇرەيلەنىپ، قاشقاقتاپ وتىرعانىم جوق. جۇزدەسۋ ناتيجەسىز اياقتالسا، ەڭ جامانى سول. بۇل ساتتە مەنىڭ جۇيكەم سىر بەرۋى مۇمكىن. كەز كەلگەن كەلىسسوز قول الىسىپ، ءسوز بايلاسىپ، جوسپاردى تالقىلاپ، جان-جاققا بوسقا تاراپ كەتۋ ەمەس. مەن ناتيجەسىز كەزدەسۋدى قالامايمىن. ەڭ قورقاتىن نارسەم دە سول. بۇل – اقيقات، – دەدى ۆلاديمر زەلەنسكيي جۋرناليستەرگە بەرگەن سۇحباتىندا.

ەسكەرتە كەتەيىك، 2014 جىلى كوكتەمىندە باستالعان ءوزارا تەكەتىرەستەن بەرى دونباسس اۋماعىندا 3،3 مىڭ ادام قازا تاۋىپ، 7 مىڭ ادام جارالانعانى بەلگىلى.  بيىلعى جىلدىڭ وزىندە 18 بەيبىت تۇرعىن قازا تاۋىپ، 124 ادام جاراقات العان.