شىعىس قازاقستان وبلىسىندا كولىك اپاتى بولىپ، ءبىر ادام قازا تاپتى. بۇل تۋرالى شقو پوليسيا دەپارتامەنتىنىڭ باسپا ءسوز قىزمەتى حابارلادى.
دەپارتامەنتتىڭ حابارلاۋىنشا، كولىك اپاتى گلۋبوكوە اۋدانىندا "وسكەمەن – ريددەر" تاسجولىنىڭ 65-شاقىرىمىندا، زيموۆە اۋىلىنان 500 مەتر جەردە بولعان.
"28 جاستاعى "Toyota Carina" جۇرگىزۋشىسى وسكەمەنگە بارا جاتقان. ءرولدى يگەرە الماي قالعان جۇرگىزۋشى قارسى جولعا شىعىپ، 67 جاستاعى ازامات جۇرگىزىپ كەلە جاتقان "Subaru Forester" كولىگىنە سوقتىعىسقان" - دەلىنگەن شقو پوليسيا دەپارتامەتى تاراتقان حابارلامادا.
دەپارتامەن مالىمەتىشە، اپات سالدارىنان "Toyota Carina" كولىگىنىڭ 37 جاستاعى جولاۋشىسى وقيعا ورنىندا قازا بولعان. ءۇش جولاۋشى، ونىڭ ەكەۋى كامەلەت جاسىنا تولماعان بالالار ءارتۇرلى دەنە جاراقاتىمەن مەديسينالىق مەكەمەگە جەتكىزىلگەن.
پوليسيا قىلمىستىق كودەكستىڭ 345-بابى، 3-تارماعى بويىنشا سوتقا دەيىنگى تەرگەۋ جۇمىستارىن باستادى. قاجەتتى ساراپتاما جۇمىستارى جۇرگىزىلىپ جاتىر.
پىكىر قالدىرۋ