بۇگىن، 4 جەلتوقساندا قازاقستان پرەزيدەنتى قاسىم-جومارت توقايەۆ پرەزيدەنت اكىمشىلىگى باسشىلىعىمەن 2020 جىلعى جۇمىستاردىڭ باسىم باعىتتارى جونىندە جيىن وتكىزدى. بۇل تۋرالى اقوردا سايتى حابارلادى.
اقوردانىڭ جازۋىنشا، توقايەۆ وتكىزگەن جيىندا ەلدىڭ الەۋمەتتىك-ەكونوميكالىق، قوعامدىق-ساياسي دامۋى مەن سىرتقى ساياسات جونىندەگى ماسەلەلەرى تالقىلانعان. 2020 جىلعا جوسپارلانعان نەگىزگى ءىس-شارالار تىزبەسى قارالعان.
"ابايدىڭ 175 جىلدىعى مەن ءال-فارابيدىڭ 1150 جىلدىعىن اتاپ ءوتۋدى ۇيىمداستىرۋ شارالارى دا پىسىقتالدى. سونداي-اق ايماقتاردى ەكونوميكالىق جانە الەۋمەتتىك دامىتۋ جونىندەگى ءىس-شارالار مەن 2020 جىلدىڭ ءى توقسانىنا جوسپارلانعان ماڭىزدى ماسەلەلەر تالقىلاندى. جيىن قورىتىندىسى بويىنشا، قاسىم-جومارت توقايەۆ مەملەكەتتىك باسقارۋدىڭ تيىمدىلىگىن ارتتىرۋ جانە وزەكتى الەۋمەتتىك ماسەلەلەردى شەشۋدەگى جۇمىستاردى كۇشەيتۋ بويىنشا ناقتى تاپسىرمالار بەردى" - دەلىنگەن اقوردا تاراتقان حابارلامادا.
بۇل - پرەزيدەنت توقايەۆتىڭ 2020 جىلى وتكىزگەن العاشقى جيىنى.
توقايەۆ 2020 جىل باستالعان كەزدە قازاقستان حالقىن جاڭا جىل مەرەكەسىمەن قۇتتىقتادى. سونىمەن قاتار پرەزيدەنت 2 قاڭتاردا قوستاناي وبلىسى قوستاناي اۋدانىنىڭ زاتوبول كەنتىن اۋداندىق ماڭىزى بار قالالار ساناتىنا جاتقىزۋ تۋرالى قاۋلى بەكىتىپ، زاتوبول كەنتىن توبىل دەگەن اتاۋعا وزگەرتتى.
پىكىر قالدىرۋ