اقمولا وبلىسىنىڭ بۇلاندى اۋدانىندا تۇرعىن ۇيدەن ءورت شىعىپ، ەكى ادام كوز جۇمدى. بۇل اقپاراتتى اقمولا وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى حابارلادى.
ۆەدومستۆونىڭ مالىمەتىنشە، ءورت قاڭتاردىڭ 3-دە كەشكى ساعات 18.05 شاماسىندا وترادنوە اۋىلىنداعى جەكە تۇرعىن ۇيلەردىڭ بىرىندە بولعان.
"ءورت 2 شارشى مەتر اۋماقتى شارپىدى. ءۇي ىشىنەن 65 جاستاعى ءۇي يەسى مەن 56 جاستاعى ايەلدىڭ ءمايىتى تابىلدى. ۋچاسكەلىك پوليسيا قىزمەتكەرىنىڭ ايتۋىنشا، ەكەۋى دە الكوگولدى ىشىمدىككە اۋەس بولعان" - دەلىنگەن توتەنشە جاعدايلار دەپارتامەنتى تاراتقان حابارلامادا.
ۆەدومستۆونىڭ تۇسىندىرۋىنشە، ءورتتىڭ شىعۋىنا وت جاعۋ كەزىندە قاۋىپسىزدىك ەرەجەسىنىڭ ساقتالماۋى سەبەپ بولعان. وقيعا ورنىنا ورتكە قارسى قىزمەت شاقىرىلماعان.
پىكىر قالدىرۋ