قازاقستان پرەزيدەنتى قاسىم-جومارت توقايەۆتىڭ جارلىعىمەن اسەت يسەكەشيەۆ پرەزيدەنت كومەكشىسى جانە قاۋىپسىزدىك كەڭەسىنىڭ حاتشىسى بولىپ تاعايىندالدى. توقايەۆتىڭ جارلىعى بۇگىن، 16 قاڭتاردا اقوردانىڭ رەسمي سايتىندا جاريالاندى.
ەندى 48 جاستاعى يسەكەشيەۆ قازاقستاندى 30 جىلعا جۋىق ۇزدىكسىز بيلەپ، 2019 جىلدىڭ ناۋرىزىندا پرەزيدەنتتىك وكىلەتىن مەرزىمىنەن بۇرىن دوعارعان نۇرسۇلتان نازاربايەۆ ماڭگىلىك ءتوراعاسى بولىپ سانالاتىن قاۋىپسىزدىك كەڭەسىنىڭ حاتشىسى جانە پرەزيدەنت كومەكشىسى قىزمەتىن بىرگە اتقارادى. ول بۇعان دەيىن "تۇڭعىش پرەزيدەنت - ەلباسى قورى" دەپ اتالاتىن قوردىڭ اتقارۋشى ديرەكتورى بولعان. يسەكەشيەۆ ونىڭ الدىندا جارتى جىلداي پرەزيدەنت اكىمشىلىگىنىڭ جەتەكشىسى قىزمەتىن اتقاردى. 2016-2018 جىلدارى استانا (قازىرگى نۇر-سۇلتان) قالاسىنىڭ اكىمى بولدى.
