كوروناۆيرۋس ەپيدەمياسىنان قايتىس بولعاندار 259 ادامعا جەتتى. اقش قىتايدان كەلگەن ازاماتتتار ءۇشىن جاڭا كەدەندىك شەكتەۋلەر ەنگىزدى، دەپ جازادى reuters.com.
ەپيدەميا وشاعى حۋبەي پروۆينسياسى ءالى دە كارانتين جاعدايىندا. جولدار جابىلىپ، قوعامدىق كولىك توقتاعان.
ۆيرۋستىڭ شەتەلگە تارالۋىنان قاۋىپتەنگەن اقش قوسىمشا شارالار قابىلداپ جاتىر. جۇمادا امەريكالىق ءۇش ءىرى اۆياكومپانيا قىتايعا رەيستەرىن كەيىنگە قالدىردى.
دەسە دە دۇنيەجۇزى دەنساۋلىق ساقتاۋ ۇيىمىنىڭ قىتايداعى وكىلى گاۋدەن گالەا قىتايمەن ساۋدا جاساۋدى، ول جاققا بارۋدى شەكتەۋدىڭ قاجەتى جوق دەپ وتىر.
بۇگىندە دەرتكە شالدىققانداردىڭ قاتارى 12 مىڭعا جۋىقتادى. 18 مىڭداي تۇرعىن ۆيرۋستى جۇقتىرعان دەگەن كۇدىكپەن تىركەۋگە الىنىپ، اۋرۋعا شالدىققاندارمەن تىعىز بايلانىستا بولعان 118 مىڭ ادامعا باقىلاۋ قويىلدى. چجە-سزيان، گۋاندۋن جانە حەنان پروۆينسيالارىندا ىندەتكە شالدىققانداردىڭ سانى ارتىپ، جاعداي كۇردەلەنە ءتۇستى.
پىكىر قالدىرۋ