- اۋا ارقىلى ينفەكسيانى جۇقتىرماس ءۇشىن پروفيلاكتيكالىق شارا رەتىندە بەتپەردە كيۋ قاجەت. بۇگىن بىزدە ونداي ءقاۋىپ جوق، ءبىراق وكىنىشكە قاراي، ەل جاپپاي بەتپەردە ساتىپ الۋعا جۇگىرىپ، سالدارىنان تاپشىلىق تۋىنداۋدا، - دەدى ءبىرتانوۆ.

ونىڭ ايتۋىنشا، بەتپەردەنى وتاندىق وندىرۋشىلەر وندىرەدى، سوندىقتان قازاقستاندا ونى شىعارۋعا بارلىق مۇمكىندىك بار.

- ءبىراق ءقازىر ولار ۇلگەرە الماي جاتىر، ويتكەنى ءبىر مەزەتتە ءبىر جىلدىق كولەمدەگى بەتپەردە ساتىلىپ كەتكەن. سوندىقتان باسقا ەلدەردەن دە ونى ساتىپ الۋ بويىنشا ءقازىر كەلىسسوزدەر جۇرگىزىلىپ جاتىر، سۇرانىستاعى مولشەر تولىقتاي قامتاماسىز ەتىلەدى. ەگەر 6 قاڭتاردان باستاپ بۇگىنگە دەيىن ءبىز قىتايدان كەلگەندەرگە عانا سانيتارلىق باقىلاۋدى كۇشەيتكەن بولساق، وندا ءبىز بۇگىننەن باستاپ شەكارانىڭ وزىندە كۇشەيتىلگەن باقىلاۋ ەنگىزىپ، بارلىق حالىقارالىق باعىتتاعى وتكىزۋ پۋنكتتەرىندەگى جولاۋشىلاردى ىستىعى بار-جوعىن تەكسەرەتىن بولامىز، - دەپ ءتۇسىندىردى مينيستر.

سونداي-اق، مينيستر ءوز ازاماتتارىن ءماجبۇرلى تۇردە اكەتسىن دەگەن ۇسىنىستاردىڭ بولماعانىن دا جەتكىزدى. سوندىقتان كوروناۆيرۋس ينفەكسياسى تىركەلگەن ەلدەردە جۇرگەن ازاماتتارىمىزدان ساقتىق شارالارىن قولدانۋ سۇرالادى.