مينيستر ءبىرجان نۇرىمبەتوۆتىڭ ايتۋىنشا، بۇگىندە ۇكىمەت ەڭ تومەنگى جالاقىنى كوتەرۋ بويىنشا جۇمىستار جۇرگىزۋدە.

– ەڭ تومەنگى جالاقىنى كوتەرۋ ازاماتتاردىڭ ەكونوميكاعا قاتىسىنا بايلانىستى. ەگەر ورتاشا جالاقى شامامەن 224 مىڭ تەڭگە بولسا، ەڭ تومەنگى جالاقى 72 مىڭ تەڭگەدەن اسپاۋى ءتيىس. ياعني تومەنگى جالاقى ورتاشا جالاقىنىڭ شامامەن 30 پايىزىن قۇرايدى. قازىرگى ۋاقىتتا رەسپۋبليكاداعى ەڭ تومەنگى جالاقى 42،5 مىڭ تەڭگەنى نەمەسە ورتاشا جالاقىنىڭ (181 مىڭ تەڭگە) 23،5 پايىزىن قۇرايدى. ءبىز بۇگىن ەڭ تومەنگى جالاقىنى كەزەڭ-كەزەڭمەن ارتتىرۋدىڭ ءتۇرلى نۇسقالارىن ەسەپتەپ جاتىرمىز. نەگە ەسەپتەيمىز؟ ويتكەنى بيۋدجەت شىعىندارى وسىعان بايلانىستى. ويتكەنى، ءبىز ەڭ تومەنگى جالاقىنى كوتەرگەندە، وندا بارلىق بيۋدجەتتىك قىزمەتكەرلەردىڭ جالاقىسى دا كوتەرىلەدى، – دەدى ول.