– ءبىز ۋنيۆەرسيتەتتەرگە تالداۋ جۇرگىزدىك: 100 ادام تۇسەدى، 800 ادام بىتىرەدى. بۇل ستۋدەنتتەردىڭ اۋادان پايدا بولمايتىنى بەلگىلى. ساپالى ءبىلىم بەرەتىن ۋنيۆەرسيتەتتەر ستۋدەنتتەردى ويلانباستان شىعارىپ جىبەرەدى. ال، "شاڭسورعىشتار" بۇل بالالاردى نارىقتىڭ ءار تۇكپىرىنەن جيناپ الادى، سودان كەيىن ولارعا ديپلومدار بەرەدى، – دەدى ءبىلىم جانە عىلىم ءمينيسترى. 

مۇنداي ولقىلىقتاردى شەشۋ ءۇشىن ديپلومدار سيفرلانباعان.

– بىرىنشىدەن، ءبىز "blockchain" ەلەكتروندىق ديپلومدارىن (جۇيەسىندە) شىعارامىز. ەكىنشىدەن، ءبىز تاريحي اقپاراتتى سيفرلاندىرامىز. شامامەن، 1970 جىلعا دەيىن جەتۋدى كوزدەپ وتىرمىز. بۇل پروسەسستە ءبىز كوپتەگەن پروبلەمالىق ماسەلەلەرگە تاپ بولدىق، ماسەلەن، ءبىرشاما ديپلوم شىعارعانداي بولىپ ەدىك، ىسكە كەلگەندە ءبىز ولاردىڭ ىزدەرىن ەش جەردەن تابا المايمىز. سوندىقتان ءبىز ۋنيۆەرسيتەتتەرگە 1970 جىلعا دەيىن ديپلومداردى سيفرلاندىرۋ مىندەتىن قويدىق" – دەدى مينيستر.

وسى تۇستا ايماعامبەتوۆ جاقىندا عانا شىمكەنت قالاسىنداعى ۇلكەن ۋنيۆەرسيەتتەردىڭ ءبىرىن جاپقانى جايىندا ايتتى.

ونىڭ ايتۋىنشا، سوتتىڭ شەشىمىمەن سول ۋنيۆەرسيتەتتىڭ ليسەنزياسى قايتارىپ الىنعان. وندا 30 مىڭنان اسا ستۋدەنتتەر وقىپ، ءبىرقاتار زاڭ بۇزۋشىلىقتار بولعانىن انىقتاعان. سونداي-اق ول جوو ۋنيۆەرسيتەتتەرىنە تالاپتار كۇشەيتىلەتىنىن ايتتى.