قىتايدا كوروناۆيرۋستى جۇقتىرعانداردىڭ سانى 636-عا جەتكەن. بۇل قىتايدىڭ مەملەكەتتىك دەنساۋلىق ساقتاۋ كوميتەتىنىڭ مالىمەتىنە نەگىزدەلگەن، - دەپ حابارلايدى Qamshy.kz اقپارات اگەنتتىگى ria.ru - گە سىلتەمە جاساپ.

كەشە عانا رەسمي تۇردە 28 مىڭنان استام ادام ۆيرۋستى جۇقتىرىپ، ونىڭ ىشىندە 563 ادام قايتىس بولدى دەپ حابارلاندى.

6 اقپاننان 7 اقپانعا قاراعان ءتۇنى مەملەكەتتىك دەنساۋلىق ساقتاۋ كوميتەتىنە 31 پروۆينسيادان كوروناۆيرۋستىڭ جاڭا تۇرىمەن تۋىنداعان 31 161 راستالعان پنيەۆمونيا تۋرالى اقپارات كەلىپ تۇسكەن، ولاردىڭ ىشىندە 4 821 ادامنىڭ اۋىر حالدە جاتقانى، 636 ادامنىڭ قايتىس بولعانى، 1540 ادامنىڭ اۋرۋحانادان شىعارىلعانى ايتىلدى.

وتكەن تاۋلىكتە ينفەكسيانىڭ 3 143 جاڭا جاعدايى انىقتالعان ەدى، كۇنىنە 387 ادام اۋرۋحانادان شىعارىلىپ وتىرعان. سونىمەن قاتار، گونكونگتا ينفەكسيانىڭ 24 جاعدايى انىقتالدى (ولاردىڭ بىرەۋى قايتىس بولدى)، ماكاودا 10 ادام تابىلدى (ولاردىڭ بىرەۋى اۋرۋحانادان شىعارىلدى)، تايۆاندا 11 ادام جۇقتىردى (ولاردىڭ بىرەۋى ساۋىعىپ كەتتى).

كوروناۆيرۋستىڭ جاڭا ءتۇرىن جۇقتىردى دەگەن كۇدىكپەن تاعى 26،4 مىڭ ادام دارىگەرلەردىڭ قاراۋىندا. قازىرگى ۋاقىتتا ناۋقاستارمەن تىعىز بايلانىستا بولعان 186 مىڭنان استام ادام مەديسينالىق تەكسەرىستەن ءوتىپ جاتىر.