بۇگىن، 21 قاڭتار كۇنى كەشكە قاراي "دەمپارتيا" قۇرۋعا ىنتالى باستاماشىل توپ جەتەكشىسى، وپپوزيسيالىق بەلسەندى جانبولات مامايدى پوليسيا قاماۋعا الدى. بۇل تۋرالى مامايدىڭ ايەلى، "جاس الاش" گازەتىنىڭ باس رەداكتورى ينگا يمانباي حابارلادى.
يمانبايدىڭ سوزىنشە، پوليسيا بۇگىن كەشى ساعات التى شاماسىندا الماتى قالاسىندا "دەمپارتيا" قۇرۋعى ىنتالى توپتىڭ مۇشەسى جانبول راحماتۋللانى ۇستاعان. ماماي مەن ونىڭ جاقتاستارى راحماتۋلاننىڭ سوتى بولۋ كەرەك بولعان قاراساي اۋداندىق سوتىنا بارعان كەزدە كەمىندە 10 پوليسيا قىزمەتكەرى ماماي مەن ونىڭ جاقتاسىن ۇستاپ، قاراساي اۋداندىق ىشكى ىستەر بولىمىنە اپارعان.
ىشكى ىستەر بولىمىندەگىلەر ازىرگە ەشقانداي تۇسىنىك بەرگەن جوق.
19 اقپاندا ماماي باستاعان "دەمپارتيا" وكىلدەرى 22 اقپانعا جوسپارلانعان قۇرىلتاي سەزد وتپەيتىنىن، ونىڭ ورنىنا سول كۇنى ميتينگىگە شىعاتىنىن ايتقان ەدى. ال كەشە جانبولات ماماي ازاماتتاردى 22 اقپان كۇنى الماتىداعى "استانا" الاڭىنا ميتينگىگە كەلۋگە شاقىرعان بولاتىن.
