توتەنشە جاعداي جونىندەگى مەملەكەتتىك كوميسسيانىڭ وتىرىسىن وتكىزگەن ق ر پرەزيدەنتى قاسىم-جومارت توقايەۆ ازاماتتاردىڭ بارلىق زايمدار بويىنشا نەگىزگى قارىز سوماسىن تولەۋدى توقتاتا تۇرۋ قاجەتتىگىن ايتتى.
– توتەنشە جاعداي قولدانىسى كەزەڭىندە بۇعان دەيىن قابىلدانعان ايىپپۇلدار مەن ءوسىمپۇلداردى ەسەپتەۋگە تىيىممەن قاتار حالىقتىڭ بارلىق زايمدارى بويىنشا نەگىزگى قارىز بەن سىياقى سوماسىن تولەۋىن توقتاتا تۇرۋ قاجەت. بانكتەردەن تولىق تۇسىنىستىك پەن ازاماتتىق ىنتىماقتاستىق كۇتەمىن، – دەدى توقايەۆ.
پرەزيدەنت ازاماتتار بانكتىك ەمەس ۇيىمدارعا، لومباردتارعا، ونلاين كرەديتورلارعا، ميكروقارجىلىق ۇيىمدارعا كەپىلسىز نەسيە الۋ ءۇشىن جۇگىنگەن جاعدايلاردا زاڭنامانىڭ ساقتالۋى قاجەتتىگىن اتاپ ءوتتى.
– ازاماتتاردى الداۋعا جول بەرۋگە بولمايدى. قارجى نارىعىن رەتتەۋ جانە دامىتۋ اگەنتتىگىنە، باس پروكۋراتۋراعا، اقپارات جانە قوعامدىق دامۋ مينيسترلىگىنە زاڭنامانىڭ ساقتالۋىن تەكسەرۋ بويىنشا اۋقىمدى اكسيا جۇرگىزۋگە جانە زاڭ بۇزۋشىلاردى جاريا تۇردە جازالاپ، مۇنى ب ا ق پەن الەۋمەتتىك جەلىلەردە بارىنشا كورسەتۋدى تاپسىرامىن. بۇل قازاقستاندىقتار قيىن-قىستاۋ جاعدايدا وزدەرىنىڭ قۇقىقتارىن مەملەكەت قاتاڭ قورعايتىندىعىن ءبىلۋ ءۇشىن قاجەت، – دەدى قاسىم-جومارت توقايەۆ.
تاعى وقىڭىز!
♦ توتەنشە جاعداي: تابىسىنان ايىرىلعاندارعا جاردەماقى، ۆيرۋسپەن كۇرەسكەندەرگە سىياقى بەرىلەدى
پىكىر قالدىرۋ