بۇگىنگى كۇنى 8 ساۋىردە قالالىق جۇقپالى اۋرۋلار ستاسيونارىندا ەم العان تاعى ەكى پاسيەنت ەمدەۋدەن شىعارىلدى، بۇل تۋرالى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ حابارلادى.

– بۇل 1989 جىلى تۋعان ەر ادام جانە 1990 جىلى تۋعان ايەل. ولار بۇعان دەيىن انىقتالعان پاسيەنتپەن بايلانىستا بولعان، ەكەۋى دە 13 ناۋرىزدا ماسكەۋ – الماتى رەيسىمەن ۇشىپ كەلگەن، – دەدى ول.

ەر ادامنىڭ اۋرۋى جەڭىل ءوتىپ كەتتى، ال ايەل ادامنىڭ جاي-كۇيى ورتاشا اۋىرلىق دارەجەسى رەتىندە باعالاندى، سونداي-اق «وڭ جاقتى ۇستىڭگى ايماقتى برونح دەمىكپەسى» دياگنوزى قويىلدى.

– بۇگىندە ەكەۋى دە ءوزىن جاقسى سەزىنىپ، 14 كۇندىك ءۇي كارانتينىنە شىعارىلدى، – دەپ قوعامدىق دەنساۋلىق باسقارماسىنىڭ باسشىسى قوسىمشا حابارلادى.

وسىلايشا، قازىرگى ۋاقىتتا مەگاپوليس بويىنشا كوروناۆيرۋستىق ينفەكسيادان ساۋىعىپ شىققان ادامدار سانى 23 ادامدى قۇرايدى.