جاڭادان تىركەلگەن 13 جاعدايدىڭ بايلانىس ارقىلى جۇققانى، تاعى بىرەۋىنىڭ سىرتتان كەلگەنى انىقتالدى. ىندەت جۇقتىرعانداردىڭ 11 – ايەل، 3 – ەر ازامات.

بۇگىنگى كۇنى ينفەكسيالىق ستاسيونارلاردا 108 ناۋقاس ەمدەلىپ جاتىر (بىرەۋى وبلىستان)، ولاردىڭ 4ء-ۋى بالا. ءقازىر 80 ناۋقاستىڭ جاعدايى قاناعاتتانارلىق، 7 ادامدا – اۋىر، 21-ىندە – ورتاشا، بىرەۋى وبلىستان. ونىڭ 12ء-ى قالالىق ستاسيوناردىڭ ءبىرىنىڭ قىزمەتكەرلەرى. ولاردىڭ اراسىندا ەكى دارىگەر جانە 10 مەيىربيكە بار.

2 ەر ادامنىڭ جاعدايى پوليسەگمەنتتى پنيەۆمونياعا ۇلاسقاندىقتان اۋىر دەپ باعالانۋدا. قالعاندارىنىڭ بارلىعىندا – قاناعاتتانارلىق.

– وكىنىشتىسى، ءقاۋىپتى ىندەتكە شالدىققانداردىڭ ىشىندە تۇرعىندارعا مەديسينالىق كومەك كورسەتەتىن مەديسينالىق ۇيىمداردىڭ قىزمەتكەرلەرى بار. تۇرعىنداردىڭ ۇرەيلەنبەۋلەرىن سۇرايمىز! اتالعان ساناتتاعى ادامدار كارانتينگە قاراماستان، وزدەرىنىڭ كاسىبي مىندەتتەرىن اتقارعانىن ەسكەرتكىمىز كەلەدى. مەدقىزمەتكەرلەر الدىڭعى شەپتە ەڭبەك ەتىپ جۇرگەندىكتەن، ولاردا ىندەتتى جۇقتىرىپ الۋ ءقاۋپى جوعارى بولادى. ولار كومەككە مۇقتاج كەز-كەلگەن ازاماتقا قىزمەت كورسەتىپ ءجۇر. سوندىقتان ىندەتتى دە كەز-كەلگەن ادامنان جۇقتىرۋى مۇمكىن. ءتىپتى، اۋرۋ سيمپتومى جوق بولا تۇرا، تاسىمالداۋشى بولىپ جۇرگەن ادامنان دا جۇقتىرۋى ىقتيمال. قازىرگى ۋاقىتتا ەپيدەومولوگيالىق تەرگەۋ جۇمىستارى جۇرگىزىلۋدە.​ بۇل جاعداي قالالىق جەدەل شتابتىڭ باقىلاۋىندا. ينفەكسيانىڭ تارالۋىنا جول بەرمەۋ ءۇشىن ناقتى شارالار اتقارىلۋدا. ولارمەن بايلانىستا بولعان بارلىق ادامدار ىزدەستىرىلىپ، كارانتينگە جاتقىزىلادى، – دەپ اتاپ ءوتتى قالالىق قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ.

​جاڭادان انىقتالعانداردىڭ ىشىندەگى قالعان ەكەۋى جەرگىلىكتى ينفەكسيا جۇقتىرعان اداممەن بايلانىستا بولعان. ونىڭ ءبىرى 2000 جىلى تۋىلعان جاس جىگىت كۋالا-لۋمپۋر – الماتى رەيسىمەن ۇشىپ كەلگەن ەكەن. ەكىنشىسى 24 جاستاعى قىز ستاسيوناردا كارانتيندە جاتىر.

بۇگىندە مەگاپوليستە ءقاۋىپتى ىندەتتەن 28 ناۋقاس ەمدەلىپ شىقسا، ەكەۋى قايتىس بولدى. قالاداعى پروۆيزورلىق ورتالىقتاردا 138 ادام بار، ونىڭ 9-ى بالا. سونىمەن قاتار، 368 تۇرعىن وقشاۋلاندىرىلسا، ءۇي جاعدايىنداعى كارانتيندە 5334 ازامات جاتىر.