قىزمەتكەرلەرىنەن كوروناۆيرۋس تابىلعان الماتىداعى №12 قالالىق ورتالىق كلينيكالىق اۋرۋحانانىڭ قابىلداۋ بولمەسى مەن ءبىر بولىمشەسى كارانتينگە جابىلدى. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى حابارلادى.

"قابىلداۋ ءبولىمى مەن دەزوڭدەۋگە ارنالعان ءبىر بولىمشە جابىلدى. جۇقتىرعاندارمەن قارىم-قاتىناستا بولعان بارلىق ادامدار، سونىڭ ىشىندە جۇقتىرعاندارمەن جاقىن بايلانىستا بولعان پاسيەنتتەر باقىلاۋعا الىندى. كارانتين كەزەڭى 14 كۇنگە جالعاساتىندىقتان، ولاردىڭ بارلىق جاقىندارىن وسى ارالىقتا تەكسەرەدى" دەلىنگەن باسقارما حابارلامادا.

بۇگىن الماتىداعى №12 قالالىق ورتالىق كلينيكالىق اۋرۋحانانىڭ 12 قىزمەتكەرىنەن كوروناۆيرۋس تابىلعان. ولاردىڭ اراسىندا ەكى دارىگەر جانە 10 مەدبيكە بار.

13 ناۋرىزدان بەرى الماتىدا 137 ادامنان ۆيرۋس تابىلعان. ولاردىڭ 37ء-ى جازىلىپ شىقتى. ەكى ادام ۆيرۋستان كوز جۇمدى.

سوڭعى دەرەك بويىنشا، قازاقستاندا 859 ادام كوروناۆيرۋس جۇقتىرعان. ولاردىڭ 79-ى ىندەتتەن جازىلىپ شىقتى، 10 ادام كوز جۇمدى.