ەل ۇكىمەتى توتەنشە جاعدايعا بايلانىستى تابىسىنان ايىرىلعان ازاماتتاردى قولداۋ ماقساتىندا 42 500 تەڭگە مولشەرىندەگى الەۋمەتتىك جاردەماقى تاعايىنداعان بولاتىن. اتالعان الەۋمەتتىك كومەكتى العاندار اراسىندا الماتى قالاسىنىڭ تۇرعىنى سەرىك اۋەلبەكوۆ تە بار. بۇل تۋرالى almaty-akshamy.kz مالىمدەدى. 

– «شاڭىراق» ىقشاماۋدانىندا تۇرامىن. تىركەۋىم بولسا تالعار اۋدانىندا. كارانتينگە دەيىن قالادا جۇمىس ىستەپ ءجۇرىپ، شىعىپ كەتتىم. باسقا جۇمىسقا كىرمەكشى بولىپ ىزدەپ جۇرگەندە كارانتين باستالىپ كەتتى دە، ۋاقىتشا ۇيدە وتىرىپ قالدىم. جاڭالىقتاردان مەن سياقتى ۋاقىتشا جۇمىسسىز قالعان ازاماتتارعا ۇكىمەت جاردەماقى بەرگەلى جاتىر دەگەندى ەستىپ، مەن دە ءوتىنىش جازىپ جىبەردىم. بىردەن جاۋاپ كەلىپ، اقشا ءتۇستى. وتباسىلى ادامدار ءۇشىن ەڭ الدىمەن بالانىڭ قامىن ويلايسىڭ. ەكى قىزىم بار. سولاردىڭ نەسىبەسى عوي، ءبىر جاعى. كوڭىلىمىز كوتەرىلىپ قالدى. 42 500 تەڭگە العان ءاربىر ادامدا ءبىز سياقتى قۋانعان شىعار. امان-ەسەن وسى كارانتيننەن شىقساق، ەكى قولعا ءبىر كۇرەك تابىلىپ قالار. وسىنداي قيىن شاقتا ەلدىڭ اماندىعى مەن ساۋلىعى ءۇشىن ايانباي ەڭبەك ەتىپ جۇرگەن ەل ازاماتتارى مەن دارىگەرلەرگە كۇش-قۋات بەرسىن! حالقىمىز امان بولسىن، – دەدى س. اۋەلبەكوۆ.