الماتى قالاسىندا كوروناۆيرۋس ىندەتىنەن ەكى پاسيەنت قاجەتتى ەم شارالارىن الىپ، اۋرۋحانادان شىعارىلدى. 

ولار 1972 جىلى تۋعان ايەل كىسى مەن 30 جاستاعى ەر ادام. ەكەۋى دە ۆيرۋس جۇقتىرعان اداممەن بايلانىستا بولعان. ەر ادام 4 ساۋىردەن باستاپ، ايەل كىسى 14 ساۋىردەن باستاپ ينفەكسيالىق ستاسيوناردا ەمدەلگەن. 

ناۋقاستاردىڭ جاعدايى ورتاشا. ايەل كىسىدە ەكى جاقتى پنيەۆمونيا دياگنوزى بولدى. بۇگىنگى كۇنى ولار حاتتاماعا سايكەس ەمدەۋ كۋرسىنان ءوتىپ، ءوزىن جاقسى سەزىنۋدە. ەندى ولار ءۇي كارانتينىندە بولادى.

​قازىرگى ۋاقىتتا الماتىدا 8 جاڭا جاعداي تىركەلگەن. ولاردىڭ بارلىعى ۆيرۋس جۇقتىرعان اداممەن بايلانىستاعى وقشاۋلانعان ادامدار.

قازىرگى ۋاقىتتا جۇقپالى اۋرۋلار ستاسيونارلارىندا كوروناۆيرۋستىق ينفەكسيادان 667 پاسيەنت ەم قابىلداۋدا.

1 ادامنىڭ جاعدايى – وتە اۋىر، 21-ىندە – اۋىرلاۋ، 199-ىندا اۋىرلىقتىڭ ورتاشا دارەجەسىندە، قالعاندارىندا – قاناعاتتانارلىق.

پروۆيزور ورتالىقتاردا 458 ادام، كارانتيندىك وقشاۋلاۋدا – 523 ادام بار.