اسىلىپ ولگەن ادام ۆيرۋس جۇقتىرعان بولىپ شىقتى. بۇل تۋرالى ktk ارناسى حابارلادى. تۇركىستان قالاسىنداعى مارقۇمنىڭ تۋىستارى باۋىرىنىڭ سۋيسيد جاساعانىن ايتتى. ەلوردادان باۋىرلارىنىڭ دەنەسىن كۇتىپ وتىرعاندا، جەرگىلىكتى اكىمدىكتەن كەلگەندەر مارقۇم كورونوۆيرۋس جۇقتىرعان دەپتى.

شەنەۋنىكتەردىڭ سوزىنشە، مارقۇمدى ءمايىتحانادا تەكسەرگەندە سوvid-19 ۆيرۋسى انىقتالعان. ال ەلوردالىق دارىگەرلەر انىقتاماعا بۋىنىپ ولگەنىن انىق جازىپ بەرىپتى. سوندىقتان ءمايىتتى دە تۋىستارىنىڭ قولىنا بەرە  سالعان. ۆيرۋس جۇقتىردى دەگەن ساراپتاما قورىتىندىسى تۇركىستان وبلىسىنا مايىتتەن كەيىن ءىلى-شالا جەتكەن. اۋرۋعا قاتىستى ناقتى قورىتىندىنى بىلمەي تۇرىپ، ءمايىتتى نەگە تۋىستارىنا بەرگەنىن نۇر-سۇلتان قالالىق دەنساۋلىق ساقتاۋ باسقارماسى ازىرگە تۇسىندىرگەن جوق. ال ءمايىتتى الىپ كەلگەن ءۇش ادام ەندى كارانتينگە جاتۋى ءتيىس.

- اسىلىپ ولگەن. اسىلىپ ولگەننەن كەيىن ءمايىتحانادا كوروناۆيرۋس جۇقتىرعانى انىقتالعان. ارنايى حابارلادى بىزگە. مەملەكەتتىك ساراپتامانىڭ ارنايى حاتىن الدىق. بەكەردەن-بەكەر اۋرە بولىپ، جۇمىستان قالىپ جۇرمەيمىز عوي. تۇسكە دەيىن وبلىستىق سەس ماماندارى، يمامدار بار، ءتۇسىندىرۋ جۇمىسىن جۇرگىزدىك. جۇرت تۇسىنگىسى كەلمەيدى. اناسى بار، تۋىسقاندارى بار، - دەيدى تۇركىستان قالاسى اكىمىنىڭ ورىنباسارى تاجىبەك مۇسايەۆ.